طريقة عمل الريزوتو الايطالي

طريقه عمل الريزوتو الايطالي

المقادير:

1 كيس مكرونه المطاحن شكل رز ( وزن الكيس نص كيلو)

نص دجاجه مخليه من العظم ومقطعه قطع صغيره

1 بصله صغيره مقطعه قطع صغيره

1 علبه مشروم شرائح ويفضل تقطيعه الى قطع اصغر

4 حبات طماطم مجففه منقوعه بزيت زيتون – ان وجدت لانها تعطي نكهه لذيذه للطبق

2 فص ثوم مهروس

2 علبه كريمه – تقريبا 2 كوب مليان

نص كوب جبنه باميزان + ربع كوب جبنه تشدر مبشوره

خليط اعشاب ايطاليه ( ريحان – زعتر – اوريجانو – نعناع)

فلفل اسود وملح

زيت زيتون

الطريقه:

نسلق المكرونه بالماء مده لا تزيد عن 10 دقائق
في هذا الوقت نحط شويه زيت زيتون على النار ونضيف عليه البصل والثوم والدجاج ونبدا نقلب ونضيف الفلفل الاسود والملح و ملعقتين اعشاب عطريه …. نقلب حتى يبدا يستوي الدجاج

نضيف عليه المشروم ونقلب وبعدها نضيف عليه المكرونه اللي صفيناها من الماء

اثناء التقليب اذا احتاج نضيف زيت زيتون .. نضيف بالتدريج

بعدها نصب الكريمه والجبن والطماطم المجففه ونقلب المقدار شوي شوي على النار مده 7 دقايق

تسكب في الطبق وتزين بجبنه مبشوره وشويه اعشاب على الوجه وتقدم حاااااااااااااااالا وهي قوامها طري وثقيل

اذا تاخر وقت التقديم وصار الطبق شبه جامد نقوم بوضع الطبق على النار ونصب عليه مقدار نص كوب حليب سائل ونقلبها حتى تلين مره ثانيه.