طريقه عمل السنافر
المكونات :-
1- 2 بسكويت اولكر ( و ممكن اي بسكويت ثاني حلو مب مالح )
2- كريم كاراميل ( حسب الكميه اللي تبين تسوينها و حسب حجم البيركس اللي بتسوين فيه الحلوى)
3- 3 اكياس دريم ويب
4- 3 قشطه (قيمر)
5- 1\2 كوب سكر
6- بودره كاكاو
7- 1\3كوب ماء
8- 1\2ملعقه حليب بودره
9- كوب حليب سائل ( حسب الحاجه )
10 – شوكلاته فليكس او اي نوع اخر ( بار واحد)
الطريقه :-
1- اعملي كريم كاراميل مثل ما ذكرت حسب الحاجه طبعا اعملي كريم كاراميل بالطريقه العاديه و اتركيها لين ما تجمد و يفضل تحطينها في الثلاجه علشان تجمد عدل علشان الطبقه تكون متماسكه اكثر مب كريمه .
2- اسكبي الحليب السائل في مله و اغمسي البسكويت بالحليب و صففي البسكويت على قاع البايركس و سوي طبقتين تقريبا او اكثر
3- الحينه نبدا بالطبقه الاولى . اضربي الكريم كراميل الجامد مع 3 قشده و نصف كوب سكر و 2 دريم ويب ( يفضل تستخدمين خلاطه الضرب التي تستخدم للكيك و يجوز استخدام الخلاطه العاديه ) و اضربيه لمده 5دقايق الين ما ينتفخ و يصبح جامد و اسكبي هذي الطبقه على البسكويت و بعدين دخلي الطبق بالثلاجه علشان يتماسك و ما يتداخل مع الطبقه الثانيه
4- الطبقه الثانيه . اضربي 1\2 ملعقه بودره الكاكاو + 1\3 كوب ماء + 1\2 ملعقه الحليب البودره و اضربي لمده 7 دقائق الين ما يصير الطبقه جامده و فاتحه مثل الكريمه و ادهنيها على الطبقه الاولى برقه علشان ما يتداخلون مع بعض ..
5- اخيرا بشري الشكولاته الجامده ( الفليكس او اي شوكلاته ثانيه على الطبقه الثانيه بكميه كبير علشان الشكل و المذاق
