طريقه عمل العجينه اليابانيه
العجينه اليابانيه او ما يطلق عليها تانق زونق (مقدمه من طرف الطباخه نرمين الحداد )
المقادير
المرحله الاولي
2 م ك دقيق
1/2 كوب ماء
المرحله التانيه
2 و 1/4 كوب دقيق
2 م ك حليب بودره
1/2 م ص ملح
1 م ك خميره فوريه ناعمه
بيضه
1/2 كوب ماء دافئ للعجن
م ك زبده
الطريقه
المرحله الاولي
في اناء علي النار نضع الماءو الدقيق و نقلب كويس قوي علشان ما يكتل معانا هايتكون عندي عجينه شبه لينه ننقلها في طبق و نغطيها بالبلاستيك علشان ما تعمل قشره زي ما بنتعامل مع الكاسترد
المرحله التانيه
في العجان نضع كل المقادير و معاهم العجينه اللى عملناها على النار و هى دافيه ماعدا الزبده و الميه
بالتدريج ننزل بالميه لغايه ماتتكون عجينه في الاول هانحس انها بتلزق لكن مع العجن هاتتماسك و تلمع و بعد كده اضيف الزبده و افضل اعجن مده لاتقل عن 10 او 12 دقيقه
بعد كده انقلها في طبق عميق و اغطيها و اسيبها في مكان دافي
و لما تخمر نقدر نشكل منها حاجات كتييييير و اهمهم العيش الفينو و الكيزر و غيرها كتير
النتيجه رائعه لان العجينه بتبقي زي القطن و ناعمه
و ان شاء الله هاعمل لكم منها عيش حلو قوي بالسمسم هايعجبكم
