طريقة عمل الكبة السورية الاصلية

طرق عمل الكبه السوريه الاصليه

مقادير عجينه الكبه
– كيلو برغل ناعم
– نصف كيلو لحمه مفرومه ناعمه
– بصله صغيره
– ( بهارات + كمون + ملح خفيف )
والملح الخفيف لانو احيانا بيبقى البرغل اصلو مملح

الان مقادير الحشوه
– كيلو لحمه ( اما ناعمه مفرومه او ناعمه فقط على السيخ )
– صنوبر
– لوز
– جوز
– سمنه
– بصله

=======================
نبدا الان بتحضير العجينه تبع الكبه
شوفوا
كل كيلو برغل ناعم بدو نصف كيلو لحمه ناعمه مفرومه على الماكينه
اوكي
هلا بتجيبي البرغل فقط
وبتنقعيه بماء بحدود الثلاث ساعات ((( والزمن بيرجع لنوعيه البرغل )))
يعني مو تكتريلو مي
انتبهي يعني تتبيل
حتى فقط البرغله تصير طريه ومو تبقى خشنه وصلبه

———————-
هلا بعد مو مضو الثلاث ساعات تبع البرغل
انتي لح بتلاقي انو البرغل صار طري
بتجيبي البصله وبتفرميها ناعم جدا ( او بتبرشيها )
وبعدين بتجيبي البرغل وبتخلطي البصله معاه
وبتحطيه بالماكينه الخاصه للكبه
واللي هي مو موجوده عندي للاسف
وبتفرميه
بيطلع عندك متل العجينه طريه
هلا
بتاخدي العجينه وبتضيفي عليهم التوابل المذكوره بالمقادير
وبتظبطي ملحهم كويس
لانو سبق وقلت لك انو احيانا بيجي البرغل من اصلو مملح
وبتعجني كويس بايدك
بتعجني بتعجني بتعجني
حتى لو تعبتي اتحملي
وبعدين غطي العجينه حتى مو تنشف
هيك خلصنا من العجينه وارتحنا

======================
هلا بنعمل الحشوه
واكيد الحشوه لازم تكوني عاملتيها بالوقت يلي بيكون البرغل فيه منقوع
الحشوه
بتفرمي البصله ناعم كتير
وبتهوسيها على الغاز حتى تحمر بسمنه
وبتضيفي عليها اللحمه وبتبقي عم تهوسي حتى تستوي اللحمه
هلا صارت اللحمه جاهزه اوكي
بتجيبي الصنوبر وبتقليه وبتهوسيه حتى يشقر
واللوز نفس الشئ
اما الجوز بتخليه ناشف بدون تهويس
او اذا بتحبي هوسيه
بس نحنا بنخليه ناشف
هلا ضيفي كل اللحمه فقط فقط فقط
وبتحطيها بداخل مصفاه
حتى فقط تصفي كل السمنه يلي فيها
لسبب ؟؟
واللي هو ( انو اذا بقت السمنه بقلب اللحمه لح تخلي الكبه تفلش وتخرب
)
هلا بعد مو صفت اللحمه كل سمنتها
واكيد اكيد بتكون اللحمه سخنه مو بارده لما صفيتيها
صارت اللحمه جاهزه بدون سمنه بتضيفي عليها اللوز والصنوبر والجوز
وبتحطي البهارات يلي بدك ياها وبتظبطي ملحها كويس
وبتحطي الها ملعقتان كبيرتان دبس رمان
((( هذا بيعطيها طعمه حامضه )))
وعلى حسب مو بتحبي الحمض حطي
يعني 2 ملعقه او اكتر حسب االي بتحبيه
هلا صارت الحشوه
=====================

صار وقت الكبكبه
بتكوري القرص وبتحشه بالحشوه
ولازم كل فتره وفتره تغسلي ايديكي
وادهني باطن كفك بماء مضاف اليه نشاء
حتى يتماسك قرص الكبه
ومن بعدها اقلي الكبات
بزيت يكون حار جدا جدافي البدايه
بعد مو تحطي القرص بالزيت بعد بشويه نوصي الغاز
حتى مو تستوي الكبه من برا وتبقى من جوه نيه
ولا تكتري بالمقلاه عدد كبير
يعني خليهم من اثنين الى ثلاث كبات
=========================
ملاحظه
1- لازم العجينه تكون كل فتره عمل الكبه مغطايه حتى مو تنشف
2- والكبات يلي كورتيهم حطيهم بصينيه وغطيها بكيس نايلون من بدايه الصينيه
يعني مو تعرضيهم للهواء ابدا
حتى مو ينشف القرص ويفلش بالقلي لاسمح الله
3-اذا حسيتي انو القرص قبل مو تحطيه بالزيت مفلش شوي
ظبطيه بايدك وتكون مبلوله بماء نشاء عادي
وبيركز وحطيه بالزيت

• كبة سورية