طريقة عمل الكيكة الاسفنجية بالصور

طريقه عمل الكيكه الاسفنجيه بالصور

المقادير:

6 بيضات
3/4 كوب سكر ناعم
عصير نص لمونه
فانيليا
1 كوب دقيق
نص باكو كيك شيف او بيكنج بودر يعنى ما يعادل معلقه كبيره

الطريقه:

حنضرب البيض كويس اوووووووووووووى بالمضرب واضيف اللمون والفانيليا وبعين اما يعمل فوليام احط عليه السكر والمضرب شغال عادى احط السكر شويه شويهولما يتضربوا والسكر يدوب وتشيلى المضرب تلاقى بيعمل زى عرف الديك كدا فى العجينه وانتى بتطلعيه منها

اكون ناخله الدقيق كويس اوى مع البيكنج بودر واقلبهم على بعض كويس وبعدين اجيب البيض واحط الدقيق شويه بشويه براحه خااااااااالص واقلب بالنمعلقه بقى هنا مبقاش فيه اعى للمضرب خلاص عشان مش تهبط منه بالمعلقه واقلب من بره لجوه براحه واحط قيق شويه بشويه لحد اما الدقيق يخلص ويكون اتقلب كويس مع البيض

بجيب صنيه الكيكه وادهنها سمنه وبعدين ارشها دقيق واصب الكيكه فيها وامسك الصنيه وارزعها دا على الرخامه براحه كام مره كدا عشان تطلع الهوا من جواها

طريقه الخبز:

تكونى مسخنه الفرن واحط الصنيه فى الرف الى فى النص على نار عاليه لمده 10 دقايق وبعدين اوطى النار اووووووووووووووووووى تبقى نار هاديه كدا ححتاخد منك تقريبا من ساعه الا تلت ل ساعه الا ربع

اهم حاجه مش تفتحى عليها الباب خاااااالص قبل على الاقل نص ساعه او اما تشمى ريحتها قبل النص ساعه ممنوووووووع تفتحى عليها عشان مش تهبط لوام تشى ريحتها او بعد ساعه الا ربع افتحى الباب براحه خاااااااااااااااااااالص وانغزيها بسلاكه سنان او عود كبرت او سنه سكينه رفيع او طلع نضيف مش فيه عجينه يبقى استوت لو طلع فيه عجينه يبقى هى محتاجه تقعد فى الفرن شويه كمان قد 10 دقايق كدا ولا حاجه

ولما تستوى تطليعها وتقلبيها بسررررررررعه على منخل سيلك او شبكه حاجه مفتحه مش على طبق يعنى عشان تتهوى وتبرد

الكريم شانتيه:

1/4 كيلو كريم شانتيه عليه لبن او مايه ساقعه ويضرب بالمضرب بتحطى نص كوبايه المايه الاول وتضرب حسيتى انه محتاج لسه بتزودى المايه شويه شويه لحد اما يبقى حجمه حلو وتحشى بيه الكيكه وممكن ترشيها شويه بيبسى او مايه كمبوت قبل اما تحشيها من جوه بالكريم شانتيه وبعدين تضيفى الكريم شانتيه وترشى شويه جوز هند وتحطى النص التانى بتاع الكيكه عليها وتزوقى من فوق بردوا بالكريم شانتيه وكدا