طريقه عمل كفته الكباب
السر ده عرفته بعد مجهود جامد قوى قوى قوى
طريقه عمل كفته الحاتى وسر الحاتى فى عمل الكفته
المكونات دى لكيلو لحمه و يقاس عليها عند زياده الكميه
1- اللحمه تكون مفرومه فرم خشن مش ناعم
طريقه عمل كفته الحاتى وسر الحاتى فى عمل الكفته
2- يضاف 20% دهن بتلو (من عند الجزار اسمه نطر)
3- تتبل الكفته بملح و فلفل و بشر بصله متوسطه مصفاه تماما من المياه لاننا هانحتاج الميهعند الشوى يعنى احتفظى بيها
طريقه عمل كفته الحاتى وسر الحاتى فى عمل الكفته
4- معلقتين برغل ينقعوا فى ماء لمده ساعه ثم يصفوا من الماء تمام و يتم فرمهم مع اللحم والبصل(موضوع البرغل انا ضيفته من عندى لان الحاتى مش بيحط برغل لكن السبب فى انى ضيفت البرغل ان طريقه تصبيع الكفته و شويها بدون ماتقع عايزه حرفيه عاليه قوى علشان)
طريقه عمل كفته الحاتى وسر الحاتى فى عمل الكفته
كده ضيفت البرغل اختيارى للناس اللى ماعندهاش خبره الشوى علشان اضمن انها ماتقعش منهم على الفحم
5- يقسم الكيلو على حسب عدد الاسياخ على هيئه كرات و يوضع فى الثلاجه لمده 3 ساعات
6- ضعى فى طبق او صينيه مياه البصل و عليها معلقه بيكربونات صوديوم (بيكينج باودر)
طبعا فى ماده تانيه بتستخدم لكن صعب تلاقيها عند اى عطار عموما هاقول عليها اللى يقدر
يجيبها يحطها بدل البيكربونات اسمها (عطرون) و هى على شكل الملح الخشن و يتم تذويبها
فى ماء و تصفيتها من الشوائب و طبعا يفضل اذابتها فى ماء البصل
7- طلعى الكفته من التلاجه قبل الشوى على طول و تمسكى قطعه الكفته على ايدك و تحطى السيخ عليها من المنتصف و تضغطى اللحمه عليها و تبدى تفرديها على السيخ بالضغط المتواصل لفوق و تحت لحد ماتتفرد على السيخ بالسمك المناسب ماتبقاش تخينه قوى و لا رفيعه و الاهم بعد ماتفرديها بللى ايدك بميه البصل اللى عليها كربونات او عطرون واضغطى على مسافات متباعده بصوابعك علشان تعملى فروق فى السيخ ماتبقاش الكتله كلها حته واحده ده بيقلل من وزن الكفته على السيخ و ماتقعش
طريقه عمل كفته الحاتى وسر الحاتى فى عمل الكفته
ملحوظه:فايده البيكربونات او العطرون انه بيخلى اللحمه تتماسك بسرعه اول ماتشم النار .
– بعد ماتشيلى السيخ اللى استوى ضعيه فى صينيه مفروشه بالعيش وبقدونس متقطع وغطيها و حطيها فى فرن البوتجاز و اقفلى عليه حتى لا تبرد الكفته الى ان تخلصى المقدار كله
احلى كفته ممكن تاكليها فى البيت
بل افضل فى الطعم و طبعا ده على حسب نوع اللحم
طبعا فى حاجه تانيه بتتحط على الكفته اللى بتخلى الناس ماتقبلش طعم اى كفته غير من المحلات
الماده دى هى محسن طعم اسمها مونوصوديوم او ملح صينى تشبه السكر فى شكلها و موجوده
فى الهايبرات الكبيره زى كارفور مثلا الكيلو ب 20 جنيه و طبعا ده يفضل عندك سنه و اكتر
لانك بتحطى معلقتين صغيرتين بس على الكيلو منه
لا احد يعرف السر ده غير صنايعيه الكباب و الكفته فقط
- سر كفتة الحاتي معلفة سكر
- طريقة عمل كفتة كباب الشرقية
- عمل كفتة اوكباب
