طريقه عمل كفته فراخ
المقادير:
نصف كيلو فراخ بانيه
بصله متوسطه مفرومه ناااااااااااااااااااعم
نصف كوب بقسماط ناعم
بيضه واحده
ملح
فلفل اسمر
كارى
بهارات
قرفه مطحونه لو عايزه
الطريقه :
الاول نفرم الفراخ فى الكبه
وبعدين نحط عليها البصل ونفرمهم تانى سوا
نحط عليهم باقى المقادير اللى هى البيضه والبقسماط والتوابل
هتلاقيها زى العجينه ممكن تشكليها
ولو كانت سايبه اوى ضيفيلها شويه بقسماط كمان
اعمليها كور فى حجم عين الجمل
وبعدين حطيها ى بقسماط عشان الطبقه الخارجيه تكون مقرمشه
وبعدين تقليها فى زيت غزير
والله طعمها احلى من الناجتس اللى بندفع فيها فلوس ع الفاضى
وطبعا اكل البيت انضف كتييييييييييييييييير
ممكن تقدميه مع مكرونه وبطاطس محمره
وبالف هنا وشفا يا حبايبى
