طريقة عمل مهلبية البرتقال بالجزر

سهله وسريعه الاعداد .

المقادير :

2 كوب عصير برتقال
1/2 1 كوب ماء
بشر 1 برتقاله
1/4 كوب ماء ( للنشا )
3 ملعقه كبيره نشا
8 ملعقه كبيره سكر ( الكميه حسب الرغبه )

الطريقه :

• الاول نبشر البرتقاله ونراعي اننا لا نبشر الجزء الابيض ، والبشر يكون ناعم .
• وبعدين اقطع البرتقال واعصره ، وطبعا البرتقال اللي باستخدمه يكون نوعه برتقال للعصير اللي بيكون فيه كميه العصير كثيره .
• في حله ( قدر ) صغيره على نار متوسطه نضع 2 كوب عصير البرتقال + 1/2 1 كوب ماء + بشر البرتقال + 8 ملاعق كبيره سكر ونقلبه كل شويه .
• نذيب النشا في 1/4 كوب ماء وعندما يسخن مزيج البرتقال نضيف قليلا من النشا المذاب ونقلب ثم نضيف باقي النشا مع التقليب لحد ما نشوف ان مزيج البرتقال ثقل .
• يغرف في اطباق التقديم ويزين بجوز الهند والزبيب ، ولما حرارته تهدا ندخله الثلاجه ويقدم باردا .

ملاحظات :

• نحتاج حوالي 7 – 8 برتقالات .
• ممكن كمان اضيف للبرتقال اثناء الطبخ شويه من التفل الناعم ( مش الخشن ) الناتج من عصر البرتقال ( وطبعا اكون متاكده ان مافيهوش بذور ) .
• بنستخدم نشا كثير علشان البرتقال مفيهوش ماده ربط ، مش زي الرز باللبن بنحط فيه نشا قليل لان الرز اصلا ماده نشويه ، وكمان المهلبيه مكونات الحليب بتساعد اننا نستخدم نشا اقل .

وبالهناء والشفاء ،،،