المقادير:
- كيلو لحم مفروم
- كيلو بطاطس
- كوب ونصف لبن
- بصله كبيره مفرومه
- ملح وبهارات
- 1/ 2 كوب جبنه رومي مبشوره
- 2 ملعقه زبده
- زيت للقلي
- كوب بقسماط
اعلان 3
الطريقه :
1- قشري البطاطس، وبعد كده اسلقيها، واهرسيها كويس، وضيفي ليها اللبن والملح.
2- هاتي طاسه وحطي فيها الزيت، وشوحي فيها البصل مع اللحمه المفرومه على النار، لغايه ما اللحمه تستوي، وبعد كده تبليها بالملح والفلفل والبهارات.
3- ادهني الصينيه اللي هتعملي فيها بشويه زبده ، ورشي عليها كميه من البقسماط.
4- افردي نصف كميه البطاطس في الصينيه ، وافردي فوقيها اللحمه والجبنه المبشوره ، وفي الاخر ضيفي باقي البطاطس.
5- رشي البقسماط فوق الوش، وحطي ملعقه زبده ، ودخليها الفرن لحد ما الوش يحمر، وبعد كده طلعيها، وقدميها.. وبالهنا والشفا.
