طريقه عمل طاجن في الفرن
400 x جرام فاصوليا بيضاء
400 x جرام طماطم (مقطعه مكعبات)
4 x معلقه كبيره زيت ذره
2 x عدد فص ثوم
2 x معلقه كبيره صلصه طماطم
2 x معلقه كبيره دقيق
2 x كوب (240 مللى) مرق اللحم
1 x معلقه صغيره فلفل اسود مطحون
1 x معلقه صغيره ملح
1 x عدد بصل
1 x معلقه كبيره زعتر مجفف
1 x عدد فلفل احمر حلو
1 x كيلو لحمه (من الكتف، او ساق اللحم البقري بدون عظم)
1 x عدد فلفل اخضر حلو
الخطوات
هنسخن الفرن على درجه حراره 180, و هنقطع اللحمه مكعبات صغيره حوالى 3 سم.
هنتبل قطع اللحمه بالملح والفلفل, وهنضيف عليها معلقتين كبار زيت ونقلبها كويس.
هنسخن طاسه على نار عاليه نوعا ما, وهنحمر فيها قطع اللحمه بس هنضيفها للطاسه على 3 مرات علشان مهم حراره الطاسه تفضل عاليه .
اول ما اللحمه تتحول للون البنى الفاتح هنشيلها من على النار وتوضع فى طاجن على نار هاديه وهنضيف عليها القليل من الزيت.
هنضيف للطاجن البصل والثوم والفلفل ونقلب كويس من حين لاخر لمده 12 دقيقه تقريبا.
بعد كده هنرش الدقيق على المكونات ونقلب كويس لحد ما يتجانس مع الخضروات واللحمه .
هنضيف المرقه بالتدريج مع التقليب, وبعدين هنضيف صلصه الطماطم والزعتر ونقلب كويس لحد ما الصلصه تذوب تماما.
بعد كده هنرفع الطاجن من على النار ونغطيه بفويل ويدخل الفرن على درجه حراره 180 لمده 30 دقيقه .
بعد كده هنضيف للطاجن قطع الطماطم والفاصوليا البيضاء ويرجع الفرن تانى لمده 30 دقيقه . وبكده يبقى جاهز للتقديم.. بالهنا والشفا.
