قصص عربية قديمة و طريفة

قصص عربيه قديمه و طريفه

قصه مضحكه جدا جدا جدا
كان يا ما كان في قديم الزمان، ملك عنده ثلاث بنات.
حب في يوم من الايام انه يختبر حبهم اله. جاب الكبيره وقالها : يابا يا حبيبتي قديش بتحبي ابوك الملك .

البنت من غير تفكير : بحبك قد ما السمك بحب البحر .

الملك فكر وقال في باله : ايهو السمك بقدر يعيش بدون بحر . هاي البنت بتحبني كتير . وقال الها : انا كنت عارف انك بتحبيني بس مش لهدرجه . وقام اعطاها قصر كبير ومجوهرات .
جاب البنت التانيه وسالها نفس السؤال . فقالتله : بحبك قد ما الطير بحب السما . انبسط الزلمه وكيف . واعطاها قصر جنب اختها ومجوهرات

بعدين جاب البنت الصغيره ( اخر العنقود اللي بموت فيها ) وسالها نفس السؤال . قامت جاوبته : بحبك قد ما الدقه ( يعني زعتر ) بتحب الشطه

الزلمه زعل وعصب وقام لفحها كف. ومسكها من شعرها وزتها بره القصر. وما رضي يسمع منها ولا نص كلمه . البنت دارت بالحواري وعلى ارصفه الطرقات وتسمع كلمه من هاد وكلمتين من هداك . لغايه ماجاها مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابه .
ودارت الايام ومرت الايام . وفي يوم من الايام كان الملك قاعد بتصيد بالغابه ونسي حاله وسرح وضاع بالغابه . دور على المرافقين . ولا هم هون . طب الحرس . فص ملح وداب .؟؟؟؟؟؟؟؟ . ضل الملك يمشي ويمشي لغايه ما لقي هالكوخ لصغير . قالبفوت برتاح وباكلي لقمه . دق على الباب فتحلوا صاحب البيت وهو مش عارفه . دخلوا جوا وهو شايفه تعبان . وصار يحكي مع الزلمه …

مرته مش خافي عليها الصوت …….. قام الزلمه بيقول للمره اذبحيلنا جاجتين خلينا نتعشى ونعشي الضيف . المره مين طبعا ؟؟؟؟؟؟؟؟؟ واضحه بنت الملك المقصوفه الصغيره

بدت تشتغل بالجاجات وخطر على بالها فكره . نادت جوزها وقالتله خود شويه الدقه ( يعني زعتر ) هاي مع صحن زيت سلكو فيهم على بين ما يخلص الاكل شكله الزلمه ميت جوع . والله الزلمه عجبته الفكره وقام حط الزيت والدقه قدام الملك وقاله : اتفضل يا عمي على بين ما يجهز الاكل . الملك ميت جوع وهو بحب الدقه ( كمان يعني زعتر ) كتير . ما بلع اول لقمه ولا صار بده يستفرغ . وصاح بالزلمه : ولك شو هاد دقه من غير شطه ؟؟؟ كيف بتاكلوها هاي ؟؟؟؟ خخخخخخخ (هاي ضحكه صفرا) ؟؟؟؟؟

وفجاه اتذكر بنته الصغيره وصار يعيط زي الهبايل . قاله الزلمه :. شو مالك يا زلمه

انت العاقل . كل هاد مشان شويه دقه ( زعتر يا جماعه ) هسه الجاج بخلص . قلعطتني ( هاي ما بدها شرح ) . شو. راح الملك حكى للزلمه القصه . وهو خلص من هون نطت البنت وقالت : بخ كيفك بابا ؟ عرفت اديش بحبك يا فالح . ؟؟؟؟؟؟؟

وهيك عرف الملك قديش بتحبه بنته . وجابتله دقه بشطه . طبعا ما اكل منها ولا لقمه لانه نزل بالجاج جرد
واعطاها قصرين ومجوهرات و سوبر ماركت و كروز دخان وشغل جوزها ضريب مواس عنده

• قصص عربيه قديمه