قصص غريبة ومخيفة

السلام عليكم حبيباتي ..

بدخل بالقصه دايركت ..

انا بنت عمري بالعشرين .. غير متزوجه .. جميله ..

بدت احداث قصتي المخيفه من يوم ماقام عمي (اخو ابوي) اللي من لحمنا ودمنا يزورنااا ..

بمعنى انو حنا بمدينه وعمي ساكن بمدينه ثانيه ..

ولما يزورنا يجلس ويسولف ويضحك .. وكانت علاقتنا فيه جميله جدا .. كلها وناسه وضحك ..

وكل مايجينا نروح حنا نلبس له ونتجهز له ونكشخ له لانه مايزورنا كثير ونادر نشوفه ..

بدا ياخذني على جنب ويسالني اساله عن جامعتي وعن علاقتي بالنت ومن هم خوياتي

ومن هالاسئله ..

وانا اجاوبه بكل ثقه واحترام ..

فجاه قامت تكثر زياراته لنا .. وحنا كنا مبسوطين فيه .. على فكره عمر عمي 30 سنه ومتزوج وعنده عيال ..

مره يجينا واخواني يكونون نايمين ومره طالعين وهو اكثر الاوقات يجينا بالصدفه .. المهم ..

المرات اللي اكون فيها لحاالي بالبيت وما استقبله الا انا .. يقول قومي نروح غرفه لحالنا عشان ناخذ راحتنا بالكلام .. وانا بكل رحابه صدر ابتسم له واقوله اوكي مو مشكله ..

ونروح غرفه زي مجلس الحريم ..

وجلست انا ع الكنبه وهو جلس جنبي .. وانا قلبي شوي ويوقف وهو يناظرني وانا كل صدمات العالم فيني ..

شوي اخذ يدي وقال وش فيك مرتبكه ؟؟
قلت نعم ؟

واشيل يدي بسرعه ..

قال وش فيك انا عمك عادي لو مسكت يدك ..

قلت ايه عادي … ( انا ماكنت فاهمه وش قصده )

واخذها مره ثانيه وجلس يكلمني بشويش .. ويقول لي كلميني عنك وش تحبين وش تكرهين ..

قمت وشلت يدي ورحت مكان ثاني قباله .. وجلست اجاوبه وانا مرتاحه لانه بعيد عني ..

قال طيب انا استئذن الحين .. لانه حس انو فيه احد راح يجي ..

وطلع من بيتنا ..

وانا مافكرت بالموضوع كثير لاني حسيت انو مسكت يده لي عاديه او بمعنى اصح حاولت اقنع نفسي انو هالحركه عاديه .. وخفت اقول لامي وتفسره شي ثاني ..

المهم .. شوي ويرسل لي مسج ( ابنام عندكم الليله لاني ما لحقت استاجر شقه .. وجهزي لي غرفه يا عسل ..

انا هنا فرحت واستانست وقلت السهره صباحي اليوم واروح ابشر اخواني وخواتي وفرحوا كثييييير بس للاسف عندهم مدارس وجامعات فماراح يقدرون يسهرون ..

المهم واروح واجهز له غرفه داخل البيت وارتبها واعطرها وانتظرناه يجي بس تاخر ..

فكرناه بيجي الساعه 9 او 10 .. او 11 بالكثيييييير .. لكنه ماجا

انا نسيت موضوعه وجلست اذاكر حق الجامعه واخواني وخواتي ناموا وامي وابوي ناموا وجلست لحاالي اذاكر ..

شوي ويرن جوالي ..

الو ..
هلا قلبي افتحي لي الباب ..

اوكي عمي ..

انا طبعا بهاللحظه ناظرت الساعه 2 بالليل .. قلت مستحيل افتح له بهالوقت اخاااااااف

بس ماحد صاحي وش اسوي ياربي ..

تشجعت ورجل قدام ورجل ورى واروح افتح له ..

قال هلا والله

قلت له هلا بك .. تعشيت ؟

قال ايه الحمد لله

قلت اوكي ..

قال وش فيك واقفه .. ( يبيني امشي عشان اكون قدامه ويناظر …….. على راحته )

حسيت داخلي عشرين مليون دفايفه داخل جسمي ..

دخلت وفتحت له الغرفه ومسك يدي ودخلني معاه ..

قلت له وش فيك وانا خانقتني العبره ..

قال انتي اللي وش فيكي خايفه مني ؟

قلت لا بس طريقتك تربك ..

قال اجلسي يقولك شي ..

قلت اوكي ..

واجلس وبدا يكلمني بكل صراحه .. وصدمني بكلامه ..

قال لي سجى انا عارف انك بنت اخوي ولك معزه كبيره انتي واخوانك وابوك بقلبي ..

لكن يجيني شعور غريب لما اشوفك .. صاير اربعه وعشرين على اربعه وعشرين ساعه افكر فيك .. يابنت ماني قادر انساك واشيلك من بالي ..

ياسجى افهمي انى احبك !!

انا لاحد يسالني وش كان موقفي .. حيره صدمه استغراب ودي ابكي ودي اضحك ودي اصرخ

جااااني شعور الله يعلم فيه ..

قلت له طيب مايصير انت عمي كيف تحبني ؟
قال تكفين خليني احبك بطريقتي واسلوبي

قلت وشلون .. قال انا خايف عليك من عيال الحرام وابيك تحبيني لاني بكون خايف عليك ومنها اكون حققه رغبتي وقلت اللي في خاطري تجاهك ..

قلت اولا انا متربيه زين وماعندي هالحركات اني اتعرف على شباب او غيره عشان تحافظ علي ..

وبعدين انت متزوج وعندك عيال .. وفوق كذا عمي .. شلون ترضاها ؟؟؟

قال اسمعي ابيك تنسين كل اللي صار الحين واجلسي جنبي ..

قلت هييييه وش فيك ؟

احترم ابوي ع الاقل ( وانا اتكلم مرررره خااايفه جسمي يررررجف )

قام سكر الباب بحجه انو صوتي ارتفع ومايبي احد يسمع …

شوي يجيني بكل قوته يكتف يديني ويجلس جنبي ويحط شفته على شفتي ويبووووسني ..

ياربي كل علامات الاستفهام كل التعجب كل الصدمات تجمعت فيني ..

يبوسني ويبوسني ويبوسني شوي ويلمس صدري ويحركه شوي يلمس اللي تحت ويحركه بقوه وانا اتالم وابكي واحاول ابعده عني بس هو اقوى مني .. حاط كل ثقله علي وماسكني بكل قوه ..

شكيت انه شارب .. لكنه للاسف كان بقواه العقليه ..

وتم على هالوضع يبوسني ويلمسني وانا ابكي مو عارفه كيف اتصرف .. ولو تماديت معاه راح ياخذ راحته ..

المهم قلت له ابعد عني .. ياحيوااااان .. ==> وربي من القهر

قال تقولين لعمك حيوان ؟

قلت وحقير بعد !!!!

قال ليه ياحبيبتي ليه وش فيك ؟

قلت ياواطي تسوي فيني كل هذا وتسال ليه ؟

قال خليني احبك وربي انا احبك شكلك طولك شعرك بشرتك كلك ياسجى عاجبتني ..

وانا احبك لي فتره بس مو عارف كيف اوصلها لك ..

وانا بقمه صدمتي خذت نفسي وطلعت من الغرفه وراسلني على طول ..

قال ( تكونين غبيه لو تقولين لاهلك … حبيبك )

جلست ابكي طول الليل .. والجامعه مارحت .. تغيرت نفسيتي صرت عصبيه

اهلي استغربوا لاني ماصرت ارد على مكالماته ولا مسجاته يقولون وش فيك عليه ..

حسوا اني اكرره وارتعب من سيرته ..

واتوتر لما اسمع اخوي يقول انه بيجي .. احس ودي احرقه الحقير ..

ياعالم ياناس للي عندها احساس وحست بحرقه قلبي تدلني بس وش اسوي