قصيده عن فراق الاب
يابوي ليتك حي وتشوف حالي
تشوف وش هو صار من بعد فرقاك
صار الوطن بعدك من الناس خالي
صار… ( الوطن غربه ) بعد مافقدناك
يابوي انا بعدك سهير الليالي
مقهور من دنياي منا…. ومناك !
حدتني الدنيا وانا راس مالي
اني … عزيز النفس . مثلك وشرواك
مافيه شي في حياتي صفالي
حتى . الورود . ان جيتها صارت اشواك
اطيح واحمولي عليه اثقالي
واتخيلك مديت لي كف , يمناك
بعدك ولامره ترى ارتاح بالي
اصفق على كفي ندم واتحراك
من ضيقتي ياكم اصدق خيالي
واقوم ادور عنك واقول ب القاك
اضيع بالعالم وهمي سؤالي ؟
هو انت ؟ وينك ؟ ليه ماعاد شفناك ؟
ادري لو انك حي ياعز غالي
يمديك.. تفزع قبل.. ماجيك وانخاك !!
ويلاه , ياحالي وماهو جرالي
ويلاه , ياقلب تعذب في طرياك
ويلاه , يابويه من اول وتالي
لا…… والله.. اول.. كان.. ينجيني ادعاك
واليوم من بعدك وش اللي بقالي
غير اني ادعي ربي يغفر خطاياك
يالله حطه وسط منزال عالي
في جنه الفردوس يارب الافلاك
واغفر ذنوبه ياعزيز الجلالي
وشرح لي صدر ضااااااق من جور دنياك
اللهم ارحم والدي بواسع رحمتك وتغفر له
وتجعل قبره روضه من رياض الجنه ياارب
- فراق الاب
- عبارات عن فراق الاب
- قصيدة وداع الاب
- شعر سوداني عن السفر وداع الحبيب
- شعر سوداني عن غربة الأب
- صور فراق الاباء والامهات
- صور لي غربة الاب
- قصيدة شايقة عن الاب
