اجمل قصيده عن نصر 6 اكتوبر
واقف علي الحدود الفين تحيه ……………………….. يا حامي المجد مجد الجمهوريه
صباعك فوق زناد البندقيه ……………………….. ورجلك فوق رقاب الصهيونيه
يا واقف مدفعك شامخ قصادك……………………….. ترد الكلب لا ينجس بلادك
بتاج النصر هتتوج جهادك……………………….. بفضل الله وبالروح الفتيه
يا طاير في السما في غايه السعاده ……………………….. ومستني اللاشاره من القياده
ترد الضربه ميه او زياده ………………………..وترجع اسرائيل وش الاذيه
هييجي اليوم ولو طال انتظاره……………………….. وليلنا بكره راح يطلع نهاره
عشان اللي افتري نكويه بناره ………………………..ونرتاح منه ونفض القضيه
يا حاملين السلاح في كل ناحيه ………………………..وواقفين ليل نهار وعيونكو صاحيه
تواجهوا اسرائيل من كل ناحيه ………………………..وبكره تضربوا الضربه القويه
وهبتم للوطن ارواح عزيزه ……………………….. وحب بلادنا في دمائكم غريزه
وابن النيل دا له ميت الف ميزه ………………………..ما يرضي الضيم علي نفسه الابيه
