… هذه القصيده رثاء في الاب ,, ف فقدان الاب ليس بالشيء السهل
المتني كلمات القصيده والمت جروحي ,, رحمك الله ياوالدي رحمه واسعه واسكنك فسيح جناته ,, وحفظ لكم ابائكم من كل مكروه …
هلي دمعك ياعيوني مابقى للدمع قيمه
مات فرحي في رحيله .. ماتت البسمه معاه
من يقول ( الموت هين ) ؟! اثرها الفرقى عظيمه
بس جمر(ن) ماتحسه كود رجل اللي وطاه
في وفاته ثار حزني مابقى فيني عزيمه
كيف ابقوى ؟ كيف ابصبر ؟ وانا قلبي مانساه
كيف ابنسى من هو ساكن داخل القلب وصميمه
والله ماانسى شوفتي له وبشته اصبح هو غطاه
في فراقه لاح ليه برد وبرق ورعد وغيمه
غيم (ن) اسود غطى كوني دون غيثه ..دون ماه
ياعذابي ياعذابي غيبته والله اليمه
راح ابوي اللي حياتي مالها قيمه بلاه
الكريم اللي طبوعه بين عزه وبين شيمه
هو عزيز النفس طبعه وسلم العزه رقاه
كل رجل (ن) في حياته حط له قدر وحشيمه
ويشهد انه بالعزيمه عانق المجد ولقاه
يالله يامعبود ياللي كاشف السر وعليمه
يالله انك في مماته ترحمه وتمحي خطاه
- قصيدة عن الاب
- مرثيه عن الاب
