اكلات روعه وسهله
مقادير العجينه : 3 كوب دقيق – 3 ملعقه كبيره زيت زيتون ولو مش موجود ممكن زيت دره – ملعقه سكر صغيره – نص ملعقه ملح صغيره – 2 ملعقه خميره صغيره – نص كوب لبن دافى اول خطوه هنعملها اننا نحط ملعقه السكر وملعقتين الخميره على نص كوب اللبن الدافى ونقلبهم ونسيبهم على جمب يخمرو وفى الوقت ده هنروح للدقيق ونحط عليه نص ملعقه الملح و 3 ملاعق زيت الزيتون والبيضه ونروح حاطيين نص كوب اللبن اللى عليه الخميره والسكر عليهم ونعجن الى ان تكون
العجينه متماسكه ونغطيها بفوطه ونسيبها فى مكان دافى تخمر لمده ساعه ممكن لو حابيين اننا نستخدمها فى وقت تانى نحفظها فى كيس ونشيلها فى التلاجه او فى الفريزر لو هتقعد اكتر من يوم ونحط العجينه ونفردها بسمك واحد سنتيمتر ونسيبها تخمر نص ساعه نكون جهزنا الحاجات اللى هنحطها ع الوش
الحشو : صلصه بيتزا – فلفل اخضر مكبب – زيتون – بصله – سجق او ممكن تونه او لحمه او لانشون او ممكن نسغنى عن كل ده ونكتفى بالخضار والجنبه لو حابيين انها تكون مارجريتا – جبنه موزاريلا او جبنه تركى
وياااا رب تجربوها وتعجبكم ان شاء الله
