1.تكتل السكر وعدم ذوابنه بشكل كامل
2.تكتل المزيج عند اضافه القشطه
3.لون الكراميل غامق
4.قوام التوفي لزج جدا وغير ناعم
وهني عزيزاتي راح اطرح طريقه لصوص التوفي اتخليج اتحبين اتسوينه كل يوم ما بطول عليكم اهني انا سويت مقدارين تقدرين تسوين مقدار واحد. البدايه في جدر على النار نحط اربع فناجين شكر ويا فنجان واحد ماي
ونفرغ علبتين قشطه (انا افضل قشطه نستله ) في كوب بلاستك وانسخنه في الميكرويف
لحوالي ال90 ثانيه ممكن نستغني عن هذي الخطوه ونضع علب القشطه في ماء حار
على الضو لكن للسرعه ممكن نستخدم الميكرويف والكوب البلاستيكي عسب يسهل علينا
سكب القشطه لاحقا على الشكر. باسم الله نبدا.
نضع الجدر على النار على حراره متسويه وانخليه لحد ما يفور طبعا الماء راح نستفيد منه في شيئين الاول اني الشكر راح يذوب بشكل كامل وما راح نحصل على قطع غير مذابه مثل الطريقه القديمه الي نقلب فيها الشكر على الضو والشي الثاني اني الشكر بيبدا يتلون ببطئ فنقدر نتحكم باللون الي نحن نبغيه للتوفي بكل بساطه
لاحظوا احبتي اهني بعد مرور حوالي الاربع دقائق على غلي الشكر والماء بدات الاطراف تتلون بلون الكراميل الخفيف لاحظوا الجانب الايمن
واهني بعد مرور 7 دقائق بالظبط وصل للون الي نحن نباه وهو اللون الذهبي الخفيف
في هذي المرحله نكون سخنا القشطه مثل ما اسلفنا ونبعد الجدر عن النار اشوي لحوالي اربع ثواني بعدين انضيف القشطه للشكر مع التقليب المستمر
ونرجعه مره ثانيه للضو وانخليه يفور لحوالي الدقيقتين بس
بعدين انطفي عليه النار ونبعده عن الضو وانخليه اشوي
بعد ما يبرد بشكل كامل انصبه في غرش بلاستك او غرشه وحده كبيره .لاحظوا لونه الذهبي الرائع
