كيف اخلي زوجي يحبني ويموت فيني

انا اقرا في كل الاقسام بس ماانزل مواضيع بحكم انشغالي لكن هالمره قررت اكتب اسراري وراح تكون النقاط مفيده كثير للبنات المخطوبات او اللي قريب متزوجات …

اولا احب اقول اني متزوجه من سنه تقريبا وحامل وتعبانه وموظفه يعني حياتي مليانه اشياء بس في نفس الوقت عندي وقت لكل شيء ..

اهم شيء النظام وتنظيم كل شيء انصحك كل شيء تبين تسوينه اكتبيه بورقه، حتى اغراض السوبرماركت ، تجهيز الشنط للسفر مثلا، وحتى الامور اللي تبين تسوينها طول الشهر قسمي الميزانيه ،،

انا مابمدح بنفسي كثير بس بكتب لكم كل اللي اسويه على شكل نقاط ،،،

الاهتمام بالبيت ..

1- طبعا ارتب البيت كامل بالليل واجهز ملابسي وملابسه وانا اجي قبله من الدوام يعني مرات اجهز كل شيء من الليل واجي الظهر اطبخ بسرعه واخذ شور ويكون جه وقت رجعته من العمل يعني على حسب الظروف او نتغدا برا او في بيت اهلي او اهله.

2- تنظيف يومي لدورات المياه ، والمطبخ .

3-الكنس مرتين في الاسبوع لان لسا ماعندنا بيبيات فيكفي، زوجي مرتب الحمد لله ومايحب
الازعاج.

وانا مره مرتبه يعني مااحب الكركبه ومستحل انام والبيت مش نظيف وكثير استفدت في ترتبيبي بالصناديق او السلال ترا تعطي شكل حلو ومرتب في المطبخ او حتى باغراضك الخاصه .

الاهتمام بنفسي ..

1- انا اكره شيء اسمه شعر بالجسم فعلى طول احاول اشيله ،

2- قبل كنت اعمل على طول حمام مغربي وخلطات خاصه اني العب بنادي صحي وبالنادي في حمام بخار بس الحين ماعندي وقت فاعمل خلطات تقريبا مرتين في الشهر بس اهتم دايم بكريمات الجسم خاصه بعد الشور وانصحكم في بيبي اويل فضيع .

3- وجهي اعمل تنظيف كل اسبوع تقريبا واستخدم بعض الخلطات مستشيره فيها اخصائيه تجميل في الصالون اللي اروح له على طول .

4- شعري كنت دايم استخدم له خلطات زيوت بس الحين بطلت وببدى اروح لاخصائيه تسوي جلسات علاج للشعر مجرد استخدم شامبو وبلسم على فواكه روعه وسيروم واستشوار بعد الحمام .

5- انا ماحب البس جلابيات ابدا دايم بجامات او برموده بالبيت حتى قمصان النوم زوجي ما يحبها يحب الشورتات اكثر يعني قليل اذا البسها وبرضو التنانير البسها قليل الجينزات والبناطيل اكثر خاصه برا عمليه وسهله للعمل او السوق او بعض الطلعات .

6- انا فنانه بالميكب والحمدلله البودره وكريم الاساس يناسب بشرتي يعني ما يصير رمادي او كاني مهرج لاني استخدم بودره قريب مره من لون بشرتي ، احب الميكب واحب احط دايم خفيف حتى برا الا بالزوجات او المناسبات الخاصه او العزومات ممكن اثقل. ومع اني احط ميكب على طول بس اذا احط ثقيل اتغير بشكل فضيع.

7- ترا حتى الصنادل تاثر الكعب العالي له تاثير كبير على الزوج .. انا مالبس سبورت الا للرياضه او صندل بكعب خفيف للسوق مثلا او العمل ومو دايم .

8- اهتم بوزني حتى مع الحمل اتبع رجيم والعب رياضه خفيفه ومشي وزني احاول ما يتعدى 58 مع اني اشوي طويله.

9- الاهتمام بالاسنان مهم عن نفسي دايم استخدم غسول واعمل تنظيف كل 6 شهور او في السنه مره ونصيحه اذا عندك مشكله في الاسنان حليها افضل.

10- لان اكلي مو مره فاخذ فتامينات مو بس لصحتي حتى للوجه تعطي نضاره بعد استشاره طبيب طبعا.

الاهتمام بحبيبي زوجي ..

1- اقولكم وبصراحه انا مااحب سالفه انظف رجله او اسويله ليله ومساج ماادري مااحب اقلل من شاني ابد اسوي ليالي رومانسيه بسيطه جداا وينبسط عليها .

2- اهتم بملابسه واكله ونومه وصحته ودايم اطمن عليه بس مااحب اضغط عليه علشان ما يحس اني محاصرته واخليه يطلع مع اخوياه لاني انا بعد مااحب يكون جالس على قلبي 24 ساعه اعطي نفسي اشوي مساحه من الحريه .

3- حتى قراراته الخاصه بالعمل ومستقبله احب اشاركه فيها حتى لو كان في شيء ضروري وهو برا انا اول شخص يدق يستشيره الحمدلله، وافتح له قلبي اكثر شيء يحبه فيني صراحتي واخبره بكل شيء قبل مااسويه وبعد مااسويه يعني باختصار انا كتاب مفتوح قدامه.

4- الناحيه الماديه اراعيه واحاول اكون متعاونه ومفهمته انه راتبي لي وهو الرجال اللي لازم يصرف على البيت بس انا اساعده من محبتي له وحرصي على حياتنا وانه يكون كل شيء متوفر عندنا ولازم يعطيني مصروفي هذا حقي واجمعه لمستقبلنا برصيد مستقل.

المهم نجي للامور المهمه ..

شوفو يابنات انا مره نفسي عزيزه وبصراحه مااحب انزل من قدري له بس اتفقت معه من البدايه انه مافي شيء اسمه كرامه بيني وبينه ..

المهم

انا اكتشفت انه الرجال يحبون البنت اللي فيها اشويه جراه ودلوعه وعليها الف خط ويحب البنت اللي يحسها تبيه بكل مافيه حتى سلبياته وتحاول تساعده انه يتخطاها ..

يعني مثلا

الزوج يحب البنت اللي تبادر في العلاقه… فاهميني طبعا بس مو من اول الزواج لا تجيبون العيد وتفضحونا .. لازم في البدايه البنت تكون مستحيه بعدين خلاص هو زوجك بالعكس اذا عطيتيه كل شيء وربي ما يناظر برا ليش تلفت نظره اي بنت برا وانتي تعطينه كل شيء ،،

الزوج يحب النظرات .. الصراحه انا زوجي يموت في النظرات واحسها تاثر فيه مره خاصه مع الابتسامه ومرات اتعمد اطول النظره وربي لها سحر غريب حتى لما نكون بوسط اهلي هو ينبسط مره.

الزوج يحب الحركات اللي كلها دلع سواء عفويه والا مقصوده يحب انك تدلعينه بكلمات الحب واسلوب الدلع حلاه البنت تكون دلوعه بدون ما تتصنع الدلع .

الزوج يحب يحس انه زوجته فاهمه وتعرف تتكلم ومستقله ترا شخصيه الحرمه جدا مهمه وانه يحس انك منتي ضعيفه و وراك عزوه وظهر يعني على كثر ما تحبينه وتدلعينه لكن لا تحسسينه انه هو كل حياتك وانك تموتي بدونه.

نصيحه لا تعطينه كل المشاعر دفعه وحده اعرفي متى تشدي ومتى ترخي على حسب شخصيه زوجك في ازواج اذا شاف البنت ميته عليه وضعيفه يدوس عليها واذا حس انها قويه تمسك فيها والعكس اعرفي شخصيته وش يحب علشان تتصرفي معه على هالاساس .

يعني الخلاصه الزوج يموت في البنت اللي تكون

دلوعه

رشيقه

ناعمه

تعرف تتكلم وما يمل من سوالفها

شخصيتها قويه

وتخاف الله فيه

وبالنهايه مافي انسان كامل بس الانسان لازم يحاول يرتب حياته واموره ..ولا تنسون الصدقه والدعاء ترا احلى احساس لما تصحينه للصلاه الفجر ، ولما تجلسي جنبه وتقرون اي دعاء مع بعض..

والله يوفق كل المتزوجات والمخطوبات ويرزق البنات الغير متزوجات بالازواج الصالحين

• كيف اخلي زوجي يموت فيني ليلة الدخله