كيف تصنع الزيت بتاع الهنود لتطويل الشعر

كيف تصنع الزيت بتاع الهنود لتطويل الشعر

اعده للنشر: مها مصطفى
اهلا بكل بنات “قمر 14″ في حلقه جديده من حلقات “جمالك من الطبيعه مع رانيا” مع بدايه سنه جديده ان شاء الله تكون كلها خير وسعاده وحب..

النهارده حلقتنا هتكون خاصه بجوز الهند، وهنعرف اد ايه هو مفيد للبشره والشعر؛ سواء كانت الثمره او الزيت او اللبن او جوز الهند المبشور..

في البدايه تعالوا نعرف شويه معلومات عن جوز الهند وفوائده:
1- ثمره جوز الهند بتدخل في العديد من الحلويات، وفيه ناس بتستخدم زيت جوز الهند في الطبخ؛ لان سعراته الحراريه قليله ومش بيتخن.

2- الميه الموجوده داخل ثمره جوز الهند قليله بس مفيده جدا ومغذيه ، وممكن نستخدمها في عمل شامبو ولوسيون للجسم.

3- جوز الهند بيعتبر مطهر للجلد، وبيساعد في مقاومه عوامل الشيخوخه ؛ لانه بيعمل على تاخير ظهور التجاعيد، وبيخفض نسبه الكوليسترول، وبيساعد في انقاص الوزن.

4- لازم ناخد بالنا ان زيت جوز الهند بعد ما بيسيح لونه بيبقى اصفر او ابيض، اما وهو مجمد لونه بيبقى بيج فاتح.

ودلوقتي هنعمل بعض الماسكات اللي هنستخدم فيها جوز الهند..
ماسك لشعر اكثر كثافه
المقادير:

زيت جوز الهند
زيت جرجير
زيت ثوم
الطريقه :
هنخلط نسب متساويه من كل الزيوت دي مع بعضها، والماسك ده بيتحط على فروه الراس فقط، وبنسيبه على شعرنا من 2 : 4 ساعات، والماسك ده بيغذي الشعر ويتقله جدا، وكمان بيساعد على التخلص من مشكله القشره .