لسان عصفور باللحمه المفرومه
اولا بقى انا عايزاكو تقولولي رايكو بصراحه لاني فعلا بتعب جدا على مبنزل الموضوع
خليكو معايا بقى هقولكو اسهل واحلى طريقه لصينيه اللسان عصفور
بصو بقى
سمو الله الاول
اولا
هنجيب ربع كيلو لحمه مفرومه ونعصجه طبعا كلنا عارفين ازاي بس برده هقول للي مش عارف
هبنشر بصله كبيره ونحمرها في السمنه في حله واول ما تصفر البصله نحط فلفلايه رومي مبشوره وممكن فلفلايه بتحرق للي بيحبها مشطشطه وعلى طول نحط اللحمه ونقلبها فيها شويه وبعدين نزودلها شويه ميه صغننين مش كتير لانها هتنزل ميتها وممكن كمام نحطلها طمطمايه مبشوره للي بيحبها بالصلصه او ممكن معلقه صلصه ونسيبها تستوي وممكن نزود ميه تاني لو لاقينا ميتها نشفت ولسه مستوتش وبس سيبوها تستوي على منخلص
ثانيا
هنجيب الصينيه الحلوه بتاعتنا اللي هنعمل فيها الوصفه
ونحط فيها شويه زيت او سمنه للي بيحب السمنه انا بحط حبه من دي وحته من دي
ونحمر كيس اللسان عصفور على نار هاديه علشان ميتلسعش مننا
وبعد ما يتحمر نحط عليه الشوربه بتاعتنا ومعلقتين صلصه ولو معندكيش شوربه ممكن تحطي مكعبين ماجي وميه والصله بتاعتنا
[
ونكون عصرين طمطمايه ونحطها عليهم برده
ونسيب اللسان عصفور يستوي شويه في الطماطم وبعد ما يستوي شويه نحط عليها اللحمه المفرومه لما تكون استوت ولو ميتها نشفت نزودها شويه شوربه لغايه متستوي
وبعدين لما تستوي كده ناخدها زي الشاطرين ونحطها تحت الشوايه بس نكون حاطين على وشها حنه سمنه او شويه زيت صغننين وبسسسسسس
هتتطلع حلوه وزي الفل وهتبقى كده
وبعد ما غرفتها قلت اعملكو زوم عليها علشان تشوفو شكلها وتستطعمو
- لسان عصفور باللحمة المفرومة
