في وعاء لخلط الكيك نحط:
نصف اصبع زبده
نصف كوب كاكاو خام
نذوب الزبده و الكاكاو اما في المايكروييف او في حمام مائي ونتركهم يبردون شوي…
نضيف عليهم نصف كوب سكر بودره …
طبعا بعد ما نخلطهم بتصير عندنا عجينه قاسيه شوي…
نضيف عالمقدار بيضه وحده زائد صفار بيضه ، يعني بيضه و نص 
نخلطهم مع بعض و بيصير عندنا خليط سائل…
نضيف عليهم 3 ملاعق كبيره طحين، وانا نخلته عشان يكون الكيك خفيف…
وهذا بعد ما خلطناه…
نصب الخليط في القوالب اللي جهزناها، تقريبا نعبي ثلاثه ارباع القالب… طبعا المفروض تكون اربعه
ندخل الصينيه الفرن على الرف الاوسط و لمده ربع ساعه بالضبط…
وهذا بعد ما طلعت…
نمرر طرف سكين على حواف القالب عشان نقدر نقلب الكيك، و نمسك القالب بفوطه المطبخ عشان ما يحرقكم… و نقلبها في صحن التقديم على طول…
نرش الوجه بالسكر البودره او اذا تحبون قدموها مع الكريما…و نقدمها وهي حاره عشان يبين الكاكاو اللي داخل وهو سايح… يمممممم
