نكات حب مزخرفه
• مره واحد ماشى مع خطيبته واخر انسجام فقالها : عارفه ايه هو الحب وايه الجواز؟
قالته : لا قالها: الحب زى النجوم الجميله اللي في السماء. قالتله : طب والجواز؟
قالها: دى البلاعه اللي واحنا بنبص على النجوم بنقع فيها
• الزوجه : ايه الورقه اللي في جيب بدلتك ومكتوب عليها سوسو؟ الزوج: يا بنت الحلال، ده اسم الحصان اللى بنشجعه في السباق الزوجه صدقته وراحت لحالها… بعد اسبوع، الزوج قاعد في امان الله يقرا الجرنان، وفجاه جت مراته وضربته بغطا الحله على راسه!! الزوج: خير يا بنت الحلال في ايه تاني؟؟ الزوجه : “حصانك على التليفون”
• نساء العالم اتحدن وقررن ان لا يقوموا باي اعمال في المنزل وبعد اسبوع تجمعوا ليعرفوا النتائج الاضراب..فقالت الزوجه الفرنسيه : انا قلت لجوزي ميشيل انا مش هعمل حاجه في البيت الاسبوع ده كله وقالت : اول يوم ما شوفتش حاجه تاني يوم ما شوفتش حاجه تالت يوم بدا يغسل ويمسح وقالي “انتي بتتعبي اوي يا حبيبتى”. وقالت الزوجه الانجليزيه : انا قلت لجوزي انا مش هعمل حاجه خالص في البيت الاسبوع ده.. اول يوم مشوفتش حاجه تاني يوم بدا يعمل الاكل تالت يوم عشانى وغدانى بره . جت المصريه وقالت: انا قلت لابو العيال انا مش هعمل حاجه في البيت الاسبوع ده وقالت اول يوم ما شوفتش حاجه تانى يوم ما شوفتش حاجه تالت يوم بدات اشوف شويه بعيني الشمال
• مره دكتور دخل عنبر في سرايه المجانين لقى واحد بيخبط دماغه في الحيطه سال الممرضه ماله ده؟ قالت اصله كان بيحب واحده ومتجوزهاش دخل العنبر اللي بعده لقى واحد بيضرب نفسه بالشبشب قالها وده ماله قالت ما هو دا اللى اتجوزها
• واحد متجوز وقاعد في البيت وبيبص كتير في عقد الزواج مراته قالت له: بتبص في عقد الزواج ليه يا حبيبي؟ قالها: عمال بدور على ام تاريخ انتهاء العقد موش لاقيه .
