وصفات لحمه متنوعه
كفته داوود باشا
المقادير:
نص كيلو لحمه مفرومه حمراء _ بصله متوسطه مبشوره _ملح فلفل _بهارات لحم .،( الصلصه) 2 ملعقه كبيره صلصه طماطم _ماء _ نص ملعقه كبيره توم مهروس _ سمن للتحمير .
الطريقه :
تخلط كل المقادير مع تخلط تماما..ناخد قطعه لحم اد الليمونه و نكورها بين ايدينا على هيئه كوره …وهكذا نستمر حتى ينتهى المقدار كله…نحضر مقلاه تيفال ونضع فيها سمنه الى ان تسخن ثم نحمر الكفته …بعد ماتتحمر نشيلها فى طبق جانبا..نحضر حله نضع بها حوالى نص كوب من السمن الباقى من تحمير الكفته ..ونضع الثوم المهروس الى ان يصفر..ثم اضع الصلصه و الماء و ملح وفلفل الى ان تغلى..اضع الكفته فى الصلصه الى ان تستوى حوالى ربع ساعه تؤكل مع ارز ابيض و بالهنا و الشفا
طريقه للتقديم، بكبشه مخرمه تشيلى الكفته من الصلصه و تحطيها فى قعر طبق ثم تحطى عليها مقدار من الارز ثم نبطط بضهر الملعقه كويس ثم نقلبه فى سيرفيس التقديم و بجا نبه طبق الصلصه
كباب حله
اللحمه حسب الكميه اللى انتى عيزاها يعنى كيلو او اكتر او اقل .لحمه مغسوله و مقطعه مكعبات __ ملح و فلفل __رشه بهارات لحمه __ بصله متوسطه مبشوره او بصل قاورمه ( الصغير قوى ) سليم زى ما هو_ ملعقه كبيره سمن __فصين مستكه و فصين حبهان __ فحم (حوالى 2 قطعه كبيره ) فوطه مطبخ نظيفه .
الطريقه:
ضعى السمن فى حله على النار الى ان يسخن ثم اضع البصل الى ان يصفر ثم اضع الحبهان و المستكه ثم اضع اللحمه و اقلب كله كويس قوى لحد لونها ما يتغير و يتحمر شويه و تشرب مايتها افضل اذود شويه ماء فى شويه ماء لحد ما تستوى و تشرب مايتها فى هذه الاثناء اكون ولعت الفحمه و احمرت خالص ازيح بالملعقه اللحمه على الاجناب و فى النص اضع الفحم المولع بسرعه و اضغ غطاء الحله بسرعه قبل الدخان ما يطلع بره ثم اغطى الحله تماما بالفوطه لمنع خروج اى دخان تترك مغطاه حتى موعد الاكل تقدم مع ارز ابيض و سلطه طحينه
الكبده الاسكندراني
المقادير:
1\2 ك كبده +3 بصلات وسط+3 حبات فلفل رومي (بارد)+2 حبه طماطم+ملح و فلفل اسود و بهارات+2ثوم مدقوقين+ ملعتين كبار صلصه طماطم+1\2 ملعقه خل+زيت ذره
الطريقه :
تقطع الكبده مكعبات صغيره . يقطع البصل كالاتي: كل بصله تقطع اربع ارباع و بعدين تقطعيها شرايح رقيقه نوعا. الفلفل برضه يقطع نصفين و بعدين شرايح رقيقه . الطماطم برضه نقطعها اربع ارباع و تقطع شرايح رقيقه .
نجيب الطاسه التيفال و نضع فيها الزيت لكن مش كتير ممكن ملعقه طعام او اتنين. نضع البصل و نقلب حتى يذبل و لكن لا يصفر ثم نضيف الفلفل و نقلب حتى يذبل الفلفل كمان ثم نضيف الطماطم مع التقليب حتى تختلط بالباقي. ثم نضيف الكبده و نقلب و نتبلها بالتوابل المذكوره . اما الخل و الصلصه و الثوم الدقوق نخلطهم مع ذره سكر و نقلبهم كويس لحد ميبقى عامل زي الكاتشب و نضيفهم الى الكبده بعد نضجها و لو محتاجه نقطه ميه ممكن نضيف شويه لكن الافضل نسويها على نار هاديه تقوم الكبده تنزل الميه اللي فيها و لا نحتاج ميه من بره . و تقلب ثم تطفي النار. و تؤكل مع الخبز و سلطه الطحينه و السلطه الخضراء.
صينيه الرقاق باللحمه المفرومه
المقادير:
1/2 كيلو رقاق+سمن سايح او زيت +مرق لحم او دجاج او بط حسب نوع اللحم اللي حيقدم الى جانب الرقاق+1/2 كيلو لحم مفروم+بصله كبيره مبشوره +مقدار من السمن او الزيت لعمل العصاج +ملح- فلفل اسود- بهارات
الطريقه :
نحضر صينيه فرن و ندهنها بالسمن او الزيت. نقوم بغمس ورقه ورقه من الرقاق في وعاء به المرق قبل رصه في الصينيه . و عند رص الورقه في الصينيه نقوم بدهن سطحها بالسمن او الزيت. و عندما ننتهي من نصف كميه الرقاق، نفرد العصاج على السطح ثم نقوم برص الجزاء المتبقي من الرقاق بعد نفس الخطوات السابقه (غمسه في المرق ورقه ورقه و مسحه بالزيت او السمن). و عندما تنتهي الكميه نقوم برش القليل من المرق على الوجه باليد بحيث لا تكون كميه كبيره و لكن كميه تكفي لتطريه الوجه، ثم نقوم بتقطيع الرقاق بالسكين مربعات. ثم نقوم بدهن السطه بالسمن او الزيت. تجهيز العصاج يتم عن طريق بشر البصله ثم وضع الملح و الفلفل و البهارات عليها و اضافه القليل من السمن او الزيت ثم اضافه اللحم المفروم و التقليب على نار هاديه حتى ينضج اللحم. توضع صينيه الرقاق بالفرن و عندما يحمر الرقاق من اسفل، نشغل الشوايه من فوق لتحمير السطح مع الانتباه حتى لا يحترق السطح. بعد خروج الصينيه من الفرن نقوم بتغطيتها بغطاء حتى “تعرق” اي يتصاعد بخار الماء بها فيساعد على تطريه الرقاق. تقدم قطع الرقاق و الى جانبها لحم محمر، دجاج محمر، بط محمر، شرائح ديك رومي، بفتيك، دجاج بروست، كفته لحم او دجاج، او اي نوع اخر من اللحوم او الدجاج، مع السلطات الشهيه مثل السلطه الخضراء و سلطه الفاصولياء الخضراء و بابا غنوج و الطحينه و الحمص و غيرها
حوواوشي
المقادير
للعجينه: 1ملعقه سكر صغيره +ا ملعقه خميره كبيره +3/4 كيلو دقيق+1 ملعقه زيت+كوب ماء
للخلطه :3/4 كيلو لحم مفروم+8 بصلات مفرومين+ا ملعقه فلفل اسود وملح +2 ملعقه كبيره زيت+بقدونس مفروم
الطريقه :
السكر + الخميره فى ربع كوب ماء او اقل ويكون الماء دافى ويوضع فى مكان دافئ ومظلم لمده 10 دقائق ليخمر،نضع الدقيق ونفتحه من المنتصف ونضع عليه الخميره + ملعقه الزيت ويقلب مع اضافه قليل من الماء( نص الكوب مثلا)ونزيد ماء كلما احتاج الخليط بحيث تكون النتيجه ان العجين لا يلزق فى اناء العجن ،بعد تجانس العجين تعجن باليد لمده 5 دقائق حتى تصير يتمط قليلا ومتماسكه لا تقطع اثناء الشد تندى بالماء وتترك ساعه ثم تعجن مره اخرى ل 5 دقائق وتترك نص ساعه،تقطع وحدات حجمها حسب الرغبه وتوضع فيها الخلطه السابقه وتغطى كل قطعه عجين بقطعه اخرى وتلزق الاطراف فى بعضها ونمسح وجهها بالماء باليد،توضع فى فرن ساخن لمده نص ساعه حتى تلاحظه ان الوجه احمر،او لنتيجه احسن توضع على بلاطه كبيره داخل الفرن لتاخد نفس نتيجه الافران البلدي
اللحمه البارده
بانسبه للحمه هى مش كتله لحم ؟ هو عرق تلبيانكو مخصوص للحمه البارده او الروزبيف بتغسليه كويس و تنشفيه ثم تجيبى ملح وفلفل و بهارات و تدعكيه كويس كله من بره وبعدين تجيبى 5 فصوص ثوم صحيحه زى ماهى وترشى عليهم رشه ملح وفلفل ثم تعملى 5 شفوق فى العرق و تحشرى فىكل شق ثومه تجيبى دوباره جامده و تلفى العرق كويس (المفروض انه بيتلف بطريقه معينه علشان يتلف صح واللحمه ماتكلكعش)المهم هاتى صينيه بها 3 ملاعق سمن وفصين حبهان على فصينمستكه و حمرى العرق كويس من جميع الجهات لحد ما ياخد لون احمر حلو ثم تضيفى الماء شويه شويه الى ان يستوى بياخد حوالى ساعه و نص ثم تضعى الصينيه فى القرن لحد ما الماء يتشرب والعرق ينشف شيليه من الفرن لما يبرد خالص فكى الدوباره و لفى العرق فى فرخ ورق فويل و ضعيه فى الفريزر لمده يوم ولما تبدؤا فى اكله يقطع سلايس رفيعه ولما تخلصى يلف فى الفويل تانى و يوضع فى الثلاجه و فى المناسبات يدهن التوست او البيتى بان بمسحه ذبده و عليها شريحه الروزبيف بالنسبه للبنات حديثى الزواج اعملو اللحمه البارده عندك جاهز لانه بيكون سريع انك تسحبى منه سواء عشاء او غذاء او السفر
