المقادير
في صحن كبير ديري ثلاث بيضات مع نص كاس اينوكس زيت وملعقه كبيره خميره خميره الخبز ومغرف ملح ومغرف كبيره ونصف سكر زيدي فوقهم كاس ونصف حليب سائل دافي ونصف الكاس ماء زهر يعني زوج كيسان اينوكس بين الحليب وماء الزهر خلطي الكل مليح مليح بالباتور وزيدي 1كلغ بالضبط فرينه من دون زياده ولا نقصان وزيدي 1خميره نتاع القاطو ومغرف ثانيه من خميره الخبز خلطي من غير ماتعجني بملعقه خشبيه رح تتحصلي على عجينه تلصق خليها في نفس الصحن وغطيه بكيس ثم بمنشفه وخلي العجينه تتخمر نصف ساعه في مكان دافيء ادهني زوج سنيوات نتاع الفرن بالزبده وادهني يدك مليح بالزيت واقسمي العجينه على السنيوات الزوج زيدي ادهني يدك وحلي العجينه في السنيوه حتى تولي قيسها سقميها مليح راهي تاخد شويه وقت لان العجينه طريه بزاف وايلاستيك ادهني الوجه بصفار البيض ورشي الجلجلان والسينوج زيدي خليها تتخمر مره تانيه ربع ساعه وهدا امر مهم ويعمل فرق ثم انقبي القرصه بفرشيطه ودخليها تطيب ماتاخدش وقت كثير
ملاحضه استعملي الزيت في يدك لان العجينه شويه سائله وتلصق في يدك ادا ما تستعمليش الزيت تغلبك معاها
ادا ماتحبيش الخبز الخشين نقصي شويه من العجينه قبل ما تحطيها في السنيوات تتحصلي عاى زوج قرصات كبار وقرصه صغيره اعطيهالي ليا ههههههه
هاد الكميه تعملك زوج قرصات كي يجو ولادك ولا يجيوك الضياف يخلصوهم في زوج دقائق لانهم فعلا مثل القاطو
اي استفسار انا في الخدمه
- خبز الدار بالسميد
- خبز الدار قطن
