طرق فن المكياج

طرق فن المكياج

الدرس الاول : تجهيز البشره قبل وضع المكياج

علشان كلنا نحصل على مكياج متميز ومتكامل ويظهر لنا ساطع وحيوي السر الاول هو (صحه البشره )
كثر مانقدر نحاول نحافظ على نظافه بشرتنا من اثار التلوث اليوميه واثار الارهاق وحب الشباب الخ..

1. لازم نسوي اقنعه للبشره مرتين اسبوعيا
2. تقشير البشره عن طريق الجنتل بيلينغ

والحين قبل مانحط اي نقطه من المكياج على ويهنا لازم نسوي هلنقاط

1. تغسلين ويهج بصابونتج للويه
2. تحطين المرطب على ويهج وتخلين البشره تتشربه على الاقل لمده 3 دقائق
. تاخذين قطعه كلينكس وتسوينها على شكل مربع وتنشفين فيها بشرتج عن المرطب الزايد الي على ويهج
الدرس الثاني : ( وضع الاساسيات)

الادوات الي نحتاجها ولازم تتوافر عندنا علشان نحصل على بشره مثاليه

البيس

الكونسييلر

والافضل انه يكون عندج لونين واحد مثل لون بشرتج والثاني غامج بلون دارك براون لتحديد ملامح الويه
والبودره السائبه هي افضل شي مع الفاونديشين ,, لان البودره المضغوطه مخصوص للاستخدام بدون فاونديشين ولكن مافي اي مشكله اذا استخدمتيها مع الفاونديشين بس بتطلع عندج الطبقه الي على الويه وايد سميكه ماتنفع للصبح او الطلعات اليوميه