مقادير الحواوشي الاسكندراني
اولا : العجينه بتاعت العيش
1-تجيبي الخميره الفوريه وشويه ماء دافيء ومعلقه سكر وتسبيهم شويه
2- تجيبي 4 كوب دقيق بما يوازي كيلو وتحطي عليهم كيس لبن بدره صغير
وشويه ملح صغيرين وتحطيهم على بعض
3-وتحطي حوالي معلقتين كبار زيت على رقم اتنين وبعد كده تحطي الخميره
وتعجينيهم على بعض وتزويدي ماء بشويش مش هقدر اقولك مقدار ماء علشان ده على حسب الدقيق المهم ان العجينه اول ما تخلص تطلع ايدك نظيفه والعجينه مرنه
وتسيبيها حوالي من ساعه ونصف الى ساعتين علشان تخمر ودفيها بغضاء وكيس نايلون نظيف
ثانيا : اللحم
1-تجيبي نصف كيلو لحم مفروم وحزمتين بقدونس اخضر وبصلتين كبار
تفرومي البصل وتمروطيه او تدعكيه في ملح وفلفل اسود وجوزه
الطيب وبهار لحمه
وشويه زعتر صغيرين
وبعدين تفرومي البقدونس وتدعكيه في البصله كويس اوي
وبعدين تحطي عليهم اللحمه وتدعكيهم في بعض كويس اوي اوي
وتسبيهم شويه في الثلاجه لحد ما العجين يخمر
وبعدين تفردي العجين بالنشابه وحطي شويه دقيق تحته علشان ما يلزقش وشويه فوقه
وبعدين تحطي اللحم في الوسط وتكوني فرده التاني وتحطيه فوقيه
عاوزه تحطي فلفل خرطي وحطي عاوزه تحطي طمام حطي بس تكون ناشفه
