طريقه سهله لغسيل الحيطان
المواد اللى حتستخدميها بكل بساطه هى البيكينج صودا ومعجون الاسنان.
و الطريقه كالاتي:
قومى بوضع البيكينج صودا فى طبق، احضري اسفنجه وبلليها، ثم قومى بوضعها فى البيكينج صودا حتي يتم تغطيه سطح الاسفنجه بالكامل بالبيكينج صودا.
وبطريقه دائريه قومى بتنظيف الحوائط، وستلاحظين اختفاء اي اثار للاوساخ من على الحائط.
وبعد ذلك نظفى الاسفنجه ، وقومى بازاله اى اثار للبيكينج صودا من على الحائط بالاسفنجه النظيفه .
اما بقى لو اطفالك كانوا مبدعين بالالوان الشمع…
فهنا حنغير البيكينج صودا لمعجون الاسنان – اى نوع حينفع-، فقط ضعي بعض المعجون على الشخبطه – قصدى الاعمال الفنيه لاطفالك – ثم باسفنجه مبلله قومى بتنظيف الرسومات ولن تجدي لها اثر بعد ذلك
