قراءه روايات جميله جدا
طلعت من المستشفى بعد شهر من العزا دخلت غرفتها
وارتمت على سريرهاوهي تبكي
انفتح باب الغرفه بقووه فزعتها كانت زوجه ابوها تصرخ فيها: لميييس وصمخ،،،قوومي يالله بلا دلع وسوي الغداء ولا تسوين نفسك تعبانه اوحزينه كان فرغتي اللي فيك في المستشفى،،انا ماعندي دلع دلعك راح مع اهلك يالله قومي.
لميس خايفه:ب..بس انا ما..اعرف
ام هدى بصراخ:نعم نعم كيف ماتعرفين (وبخقد)طبعا مارح تعرفي موانتي عايشه في بيت كله خدم وانا ابوكي ماكلف ع نفسه وجابلي خدامه
(وبصراخ)قومي يالله بتسوينه غصب عنك فاهمه لانك بتصيري الخدامه اللي ابوكي ماجابها لي (وباستهزاء)وبلاش كمان
طلعت من الغرفه بعد مارمت كلامها عليها غمضت عيونها وشهقت” ااااااه يمه ويينك ليش تركتيني اعاني ليش مااخذتيني معك وريحتيني لييييييش”
دفنت وجهها على المخده وهي تبكي وترتجف وكل شئ صار يمر قدامها…حريق…دخان…جثث…صر ااخ…”اااااااه(حطت ايديها على اذانيها ماتبي تسمع الاصوات اللي تتردد في راسها)”
دخلت عليها هدى بنت زوجه ابوها من زواجها الاول
هدى: لميس
رفعت لميس راسها وهي تمسح دموعها وتطالعها:نعم
هدى تطالعها بدون نفس:قومي سوي الغداء انا جوعانه.
لميس :اوكيه
هدى من طرف خشمها:يالله بسرعه
لميس تاففت وهي تدخل للحمام ووقفت قدام المغسله وغسلت وجهها طالعت وجهها في المرايه كان وجهها اصفر وعيونهاالزرقاء مورمه من البكى وذبلانه وشعرها مبهذل تجمعت الدموع في عيونها وهي تطالع شكلها المتغيرسمعت صوت زوجه ابوهاتناديهاغسلت وجههاورتبت شعرهاوطلعت.
(لميس بنت جميله جمالها خيالي
شعرها كستنائي يوصل لكتفهانااعم من نعومته كانه خيوط وعيونها كبار وزرقاء وبشرتهابيضاء وفمها صغير
طبعا ماخذه جمالها من امهاالبريطانيه(جوانا) تزوجها ابوها لماكان في بريطانيا وكانت مسلمه اخذها لاهله لكن اهله بحكم عاداتهم رفضوا زوجته وابوه طرده من البيت رجع لبريطانيا لان زوجته كانت حامل وبعد ماولدت وجابت ولد سماه رامي بعده باربع سنوات جابت بنت “لميس”وبعد سنوات رجع للسعوديه وترك زوجته وعياله في بريطانيا وحاول يرضي ابوه ولما طلب منه انه يطلقها رفض لانه يحبها وعلشان عياله واضطر انه يوهم ابوه انه طلقها لكن ابوه غصبه انه يتزوج بنت صديقه “سفاجه”وكانت متزوجه قبله وعندها بنت”هدى” .تزوجها لكن كان مايجلس معاهاكثير لانه كان يحب زوجته البريطانيه ومايبيهاتزعل فكان يسافر لبريطانيا لهاعلى انه مسافر لعمله ويجلس عندها اسابيع ويرجع للسعوديه لكن في الاخير انتقل للسعوديه هو وزوجته و طبعاابو زوجته الثانيه اكتشف زواجه وفض الشراكه بينه وبين ابوه،ابوها حاول يطلق بنته منه لكنهارفضت لانها خافت من كلام الناس بطلاقهاالثاني. اماابوه غضب عليه وطرده وزوجته الثانيه كرهت وحقدت على زوجته الاولى وعيالهالانه يحبهم ويفضلهم عليهابعد ماتوفى بشهرين رامي اخذ امه واخته لبريطانيا وعاشو فيها بعدثلاث سنوات رجعوا للسعوديه وفي اخر السنه كانت لميس في المدرسه لمااحترق البيت على امهاواخوهاوارجعت لقت سيارات الشرطه والاسعاف والاطفاء ماليه الشارع وشافت الحريق يطلع من الشبابيك انجنت وحاولت تدخل للبيت علشان امها واخوها لكن الشرطه كانو ماسكينهاحاولت تفلت منهم وهي تصرخ وتسمع صرخات امها واخوهاوهم يحترقون وماتوا ولاقدروا ينقذونهم
دخلت للمستشفى من الصدمه والانهيار اللي اثر فيها بشده ولماطلعت اخذتها زوجه ابوها لان اعمامها ماكانوا يعرفون بوجودهم فاخذتها علشان تنتقم من ابوهاوامها وتذلها)
نزلت لميس للمطبح محتاره ماتدري وش تسوي ماتعرف تطبخ ولاعمرها دخلت للمطبخ كانت خايفه من زوجه ابوها
ارتعبت لماسمعت صوتها خلفها
سفاجه:ليش واقفه يالله سوي الغدا
لميس بخوف:و..الله مااعرف
سفاجه بصراخ وهي تشد شعر لميس :هذا اللي استفدتيه من الخدم والحشم بس انا بربيك من اول وجديد
دفتها علي الفرن واخذت كتاب طبخ ورمته عليها:شوفي الكتاب هذا وتعلمي منه
طلعت من المطبخ وتركت لميس تبكي وهي تسوي الغداء ماتعرف كيف وحاولت تقلد الكتاب لماخلصت كانت ماسكه قلبها خايفه مايعجب سفاجه وتضربها
جلست سفاجه ع طاوله الطعام مع بنتها وقدمت لميس الاكل وكان شكله ماياهل يتاكل
طبعا ماعجب سفاجه وبنتها وضربت لميس ولا استجابت لتوسلاتها ودموعها
دخلت لميس غرفتهابعد مااجبرتها سفاجه تنظف المطبخ والبيت
انسدحت على سريرها كانت تحس بتعب وارهاق وجسمها متكسر من الضرب و الشغل بكت لين نامت
روايه جرحني وصار معشوقي
في الصاله..
هدى جالسه عندالتلفزيون متابعه مسلسل جلست عندها امهاوقالت: وين العله.
هدى بدون نفس: بغرفتها.
ام هدى بحقد:اف منها ومن دلعهاوالله لخليها تنسى الدلع .
هدى بقهر: يمه ارميهابالشارع مابيهااكرههاواكره جمالها ماودي اشوفها في البيت.
ام هدى:لا مارح ارميها بخليها خدامه في البيت ماتذوق طعم الراحه بعذبها مثل ماعذبني ابوهاعلشان امهاالعقربه.
هدى:ليتها ماتت مع امهاواخوهاوفكتنا.
رن التلفون وردت ام هدى
ام هدى:الو
…….:هلا ام هدى شخبارك؟
ام هدى:هلا ام ناصر وشلونك؟
ام ناصر:بخير.شخبار هدى وبنت زوجك اممم شسمها ايه لميس.
ام هدى كشرت:اسكتي لاتجيبين طاريها قطيعه تقطعها.
ام ناصر: ههههه شفيك شصاير؟
ام هدى: ذبحتني ياام ناصربدلعهاودي اذبحهالاشفتها تذكرت امها.
ام ناصر: ايه صح يقولون انهاحلوه على امها.
ام هدى بغيره:وععع من زينها .ام ناصر:ههه عساها تهرج انجليزي.
ام هدى بقرف:لا تهرج عربي احسن مني ومنك بس لازم تجيب لها كلمه من هرج امها.
ام ناصر: زين اجل.
ام هدى:ا ا خ بس لواذبحها وافتك.
ام ناصر: ههههه الله يعينك انا لو منك كان خليتها خدامه عندي.
ام هدى:هذا اللي بيصير.
****************
صحت لميس من النوم وتحس راسها مصدع قامت وشافت الساعه ثمان قامت بسرعه وهي خايفه من زوجه ابوها تذبحهالانها مانظفت البيت دخلت للحمام واخذت شورسريع ولبست بيجامه سماويه قطن مريحه وربطت شعرها ذيل حصان ونزلت في الصاله تفاجات لمامالقت احد “شكلهم
طالعين احسن فكه”
دخلت للمطبخ وهي حاسه بجوع فظيع فتحت الثلاجه وصلحت لهاساندويش جبن وجلست على الطاوله تاكل
سمعت صوت الباب وعلطول قامت وشالت اكلها ودخلته في الثلاجه وهي مااكلت منه الاشوي وغسلت وجهها لانها لوشافتها تاكل بتضربها.
ام هدى تفسخ عبايتها:لميييس،،،وصم� �
طلعت لميس بسررعه:نعم
لميس خافت من نظراتها وهي ترمي عليها عباتها:خذي غسليهاوغسلي عبايت هدى بعد.
مشت ام هدى للدرج ووقفت ولفت لها:سويتي العشا؟
خافت وارتبكت لانها ماسوته قربت ام هدى منهاوهي تعيد كلامها:سويتي العشا.
لميس بصوت واطي: لا.
قربت منهاام هدى ومسكت شعرها بقوه وشدته صرخت لميس من الالم وحاولت تفك ايدها منها.
ام هدى وهي شاده شعر لميس:ليش ماسويتي العشا ..انا كم مره قلت لك اذابغيت العشا القاه جاهز…
لميس تبكي:بس لسى ع العشا الساعه ثمانيه ا ا اه
ام هدى تسحبهامن شعرها للمطبخ: كيفي انا ابغاه اللحين .
رمت لميس على الطاوله وضرب جنبها بقوه عليها وصرخت من الالم وطاحت ع الارض
ام هدى تصرخ فيها:اللحييين تسوينه والا قسم بالله لاذبحك
سااامعه.
طلعت ام هدى من المطبخ وتركت لميس ع الارض ماسكه جنبها وملتويه ع نفسها من الالم وتبكي”ا ا اه يمه ،،رامي
وينكم”
شهقت لما حست بمويه باااارده على راسها رفعت راسها شافت هدى واقفه ومعها كاسه مويه وتطالعها بابتسامه سخريه:يمكن تنشطين وتصحصحين وتعرفين انك هنا خدامه وحقيره وتسوين المطلوب منك بسرعه.
رمت الكاسه ع كتف لميس وطلعت تضحك ،
لميس حست بالقهر ودها تقوم تذبحها بايدها بعدين عرفت انها لو تظل تتمنى مارح تقدر تسويها
قامت بصعوبه ورفعت الكاسه واخذت المنشفه مسحت المويه وسوت العشا لما خلصت حطته ع الطاوله في الصاله ومشت بتدخل للمطبخ قابلت ام هدى كانت تناظرها بكره:اليوم مالك عشا ولوعرفت انك اكلتي بذبحك ويالله ع غرفتك
دفت لميس ع الدرج :واذا ناديتك تجين عند رجليني سامعه.
دخلت للصاله ولميس شالت نفسها وسكرت عليها الغرفه وهي حاسه بغصه بحلقها جلست ع السريروفتحت درج الكومدينه وطلعت صورت لها مع اهلها نزلت دموعها وضمت الصوره لصدرها كانت محتاجه تضم احد فيهم وتشكي له وتنسى العذاب اللي هي فيه.
نظفت لميس المطبخ وهي حاسه بدوخه لانها جوعانه ودها تاكل شئ بس ماتقدر لان هدى جالسه تراقبها وتتاكد انها مااكلت شئ وترمي عليها من كلماتها الجارحه
لماخلصت لميس من المطبخ وكالعاده هدى قفلت المطبخ وراحت غرفتها
دخلت لميس غرفتها وانسدحت ع السرير وحاولت تنام بس ماقدرت كان بطنها يالمها من الجوع تقلبت ع السرير لحد مانامت.
العصر:
طلبت ام هدى من لميس تسوي كيك وحلى لان في ضيوف راح يزورونهم لميس حمدت ربها انهاتعرف ولا كان راحت فيها
جهزت كل شئ وطلعت من المطبخ وقابلت هدى نازله ع الدرج كانت لابسه تنوره قصيره مكسره سوداءوبلوزه صفرا نص كم وفاكه شعرها
كتمت لميس ضحكتها لان شعر هدى ماستشورته زين ومنكوش ( هدى ماكانت حلوه عاديه شعرها اسود وحنطيه ودبدوب شوي وعيونها صغار)
وقفت بغرور :شوي شوي لاتعطيني عين ادري اني حلوه واحلى منك.
لميس “مصدقه عمرها هذي” طالعتها من فوق الى تحت:واضح
تغير لون وجههاوانقهرررت
مسكت يد لميس بقهر
هدى بقهر:غصب عننننننك على الاقل انا احسن منك
تركت يد لميس بقررف وهي تاشر على لميس باصبعها:انتي مجرد خدا ا امه وفقييره وتافهه ووجودك مثل عدمه في الحياه
دفت لميس وراحت
تجمعت الدموع في عيون لميس
وهي حاسه بقهر وذل وصعدت الدرج وقبل تدخل غرفتها سمعت صوت ام هدى:اسمعي الحين يوصلون الناس اناودي اخليكي في الغرفه ولا تورينهم رقعه وجهك بس اكيد بيسالون عنك،البسي بسرعه ولا تتزيين لان ماحد راح يطالع في خشتك
فلا تتميلحين.
دخلت لميس غرفتها وسكرت الباب اخذت شور سريع ولبست تنوره بيج قصيره وبلوزه بنيه ناعمه باكمام طويله ورفعت شعرها شنيون ونزلت خصل على وجهها مسكت الكحل بتكحل عيونها بس تراجعت”افففف اخاف احط تقلع عيوني الحمد لله اني رموشي كثيره وسود وعيوني حلوه بدون كحل”
نزلت لميس وقابلت هدى عند مدخل الصاله كانت تطالعها بغيره .سفهتها لميس ودخلت المطبخ
بعد دقايق دخلت عليها ام هدى وقالت لها تدخل تسلم
لما دخلت لميس طاحت نظراتها على حرمه كشششخه وحللوه وجنبها وحده خمنت انها في مثل عمرها وحللوه
لميس :السلام عليكم
صافحتهم بادب وجلست ولما رفعت راسها تفاجات لما شافتهم يطالعونها باعجاب ابتسمت لهم شافت هدى تطالعها بقهر وكانها بتقوم وتذبحها
طالعتهالميس بتقهرها من فووق الى تحت حست انها بتشتعل نار
انتبهت لميس لام هدى تطالعها”يعني ضفي وجهك”
خافت وقامت استئذنت واطلعت
دخلت للمطبخ وحست بيد ماسكه كتفهابقوه وتلفهاع ورى
لقيتها هدى والنار تشتعل من عيونها
هدى وتحاول تخفف صوت صراخها:انتي ياحششره
نظراااااتك هذي خلييهالك
دخلت ام هدى:خيير شفيكم
هدى تسوي نفسها تبكي:يمه شوفي تبيني اشيل الشاهي والقهوه بنفسي تقول ان شكلي مثل الخدامه
ام هدى مسكت لميس بكتفها بقوه:نعععم لاشكلك نسيتي نفسك ،،شفتي الناس يطالعونك باعجاب شفتي نفسك لاا ا ا تراكي قبيحه
ولاا ا ا بعد اصبري لين يعرفون ان امك يهوديه وفاجره
ماتحملت لميس كلامها عن امها ودفتها عنها وهي تصصرخ فيها:امي اشررف منك
ومن اشكالك والله اعلم مين اللي مايعرف الدين صح.
صفعتها ام هدى كف
على وجهها خلاها تطيح ع الارض وركلتها برجلهاوهي تقول:لا بعد طلع لك لسان يبغاله قص والله لادددبك زين واعلمك كيف ترفعي صوتك ويدك علي يا حقيره
حسابي معك بعدين
طلعت من المطبخ ووراها هدى اللي ضحكت بشماته
حملت لميس نفسها لغرفتها وهي تبكي بالم
رمت نفسهاع السرير وهي تشاهق”اااااااه يماااه رااامي”
تذكرت رامي وهودايما يقول لها:ابغاك دايما قويه وصابره وطيبه ابغا تربيتي لك ماتضيع”اااااه يارامي كيييف اكوون قويه من وييين تجيني القووه وانا ماحد جنبي وانا وحيييده من وييين ”
سمعت صووت جوال يرن قامت
بسرعه وفتحت دولابها واخذت جواالهااللي مخبيته عنهم لانهم مايسمحو لها فيه ولافي تلفون البيت شافت المتصل هند صديقتها الوحيده ردت بلهفه:هن� �د
هند بضحكه:هههه شوي شوي ع عمرك لهدرجه مشتاقه لي ياحظي
لميس:يادبه حرام عليك ليش مادقيتي علي لي اسبووع في بيت زوجه ابوي ولا سالتي عني(وانفجرت تبكي)حرام عليك وانا من لي غيرك اهلي كلهم راحو مابقى لي غيرك
هند بخوف:انا اسفه لميس والله مانسيتك كل يوم بالي عندك وافكر فيك حاولت ادق عليك بس خفت تنكشفين وتدري زوجه ابوك بالجوال كنت متردده بس اليوم حسيت ان فيك شئ ودقيت،،،فيك شئ حبيبتي انتي بخير
لميس تحاول توقف دموعها:انا كل يوم مو بخير ياهند
هند بخوف:وشفيك يا قلبي قولي لي
لميس بتنهيده:ا ا اه ياهند انا كل يوم اذوق كاس الذل والعذاب من سفاجه وبنتها
مخليني خدامه في البيت هذا غير السب والشتم اللي اتصبح واتمسى فيه
هند ماتحملت اللي تسمعه واللي يصير لاعز صديقه لها وبكت لحالها:ياعمري يالميس كلل هذا فيك وانا ماادري الله ينتقم لك منهم ع اللي يسوونه فيك
لميس تمسح دموعها:انا اسفه هند بس مالي احد غيرك اشكي له بعد الله الله يخليكي لا تبكين ماقصدت اضايقك
هند بترجي:لميس تعالي عيشي عندي بحطك بعيوني بس ابعدي عنهم
لميس ابتسمت:لا ماقدر ياهند بعدين سفاجه مارح ترضى بتقفل علي هي مانعتني اطلع من البيت حتى الجامعه ماسجلت فيها،،،مشكوره والله ماتقصرين.
سمعت لميس صوت عند الباب وارتبكت: االو هند مااقدر اطول في احد جاي مع السلامه
وسكرت علطول قبل تسمع ردهاوخبت الجوال ودخلت للحمام
في الصاله
بعد مادخلت سفاجه وبنتها على الضيوف
سفاجه:ياهلا والله بام رعد
ام رعد:هلافيك
ام رعد تكلم هدى اللي دخلت وجلست جنب امها:كيفك يا هدى
هدى بخجل مزيف:الحمد لله بخير
ام رعد:الا وين لميس مااشوفها
سفاجه مجهزه الرد:تعبت وراحت غرفتها
ام رعد:الا هي امها بريطانيه
سفاجه بضيقه:ايه
