طريقه عمل باذنجان مخلل
لمقادير:كيلو بتنجان
توم وفلفل وطماطم ولمون ومعلقه صلصه وزيت وخل
توابل بقى زى ما تحبى
ملح وكمون وكسبره ناشفه وشطه التحضير:انا بقى عملته بطريقتين والاتنين والله يا بنات احلى من بعض
انا سلقت نص كيلو
وحمرت نص كيلو فى الزيت عادى زى ما بنحمر اى حاجه
وصفيته من الزيت بتاعه كويس لانى لسه هحط عليه زيت اللى هو هيبقى من ضمن الخلطه الطبخ: ادى يا ستى البتنجان المقلى
وادى المسلوق
وده سلقه بسيط جدا
حطيته فى ميه بملح خفيف لحد ما غلى وبعدين وطيت عليه النار لحد ما استوى
وبقى بالشكل ده اهو توم كتيييييييير لاننا هنا بنحب التوم الكتير يعنى لو انتى عايزه تقللى التوم دى حاجه ترجعلك وبراحتك خالص
وجيبت فلفل اخضر حامى ومش حامىولو عندك فلفل احمر يبقى خير وبركه
انا حطيت معلقه صلصه فى الخلطه بدل الفلفل الاحمرلان الخلطه بتبقى اطعم واحلى كمان فى الشكل باللون الاحمر اللى فيها سواء صلصه او فلفل احمر
واللمون طبعا ده اساسى وكترى فيه براحتك خالص وبعدين جيبت نص كوبايه خل مع نص كوبايه زيت
وقومت ضربه الخلطه دى كلها فى الكبه بس مش تهرسيها اوى
لازم تبقى قطع صغيره اوى بالشكل اللى هتشوفيه تحت ده
ادى يا ستى شكل خلطته
وبعدين ابتديت احشى النوعين من البتنجان المسلوق والمقلى
وبعدين حطيتهم فى الطبق دهورشيت باقى الخلطه على وشه
وقفلت عليهم يومين لحد ما بقى طعمه واوووووووووووو
وعلى فكره انتى ممكن تاكلى منه فى ساعتها
