طريقه عمل تورته الموز
لمقادير:المقادير
بيضه واحده بس
موزه واحده بس
كيس فانيلا
1/3 كوب سكره بودره
1/4كوب زيت
ملعقه كبيره (طعام) سمن بلدي
ملعقه صغيره مليانه بيكنج باودر
وطبعا الدقيق كبايه واحده بس التحضير:اضربي البيض مع السكر والفانيلا في الخلاط الكهربائي بس على سرعه هاديه
بعد كده قطعي الموزه قطع صغيره وسيبيها تتفرم معاهم في الخلاط
بعد كده حطي السمنه والزيت
طبعا تكوني ناخله البيكنج باودر مع الدقيق مرتين
صبي الخليط على الدقيق وقلبيه بالمعلقه الخشب
تكوني داهنه الصينيه بالسمنه والدقيق ومولعه الفرن قبلها على درجه حراره متوسطه الطبخ: صبي الخليط في الصينيه
سيبيها في الفرن هتاخد تقريبا ربع ساعه او تلت ساعه بس
وطبعا تختبريها
دى صورتها بعد ماخرجت من الفرن وقلبتها علشان ازوقها
بعد كده دهنتها بالمربى
مربى التين او المشمش
بعد كده حطيت عليها موز وعين جمل
ممكن كمان تحطي معاها من جوا عين جمل في العجينه نفسها
عين الجمل مع الموز طعمه رووووووووعه
واللى قالتلى على المعلومه دي صابونه السكر
طبعا كلكم عارفينها
وفعلا لما جربته طعمه اكتر من رائع
