طريقه عمل الخيار المخلل المصري
جبت 2 كيلو خيار قطعتهم شرائح متوسطه بالطول ممكن تقطعيهم دوائر او لو الخيار صغير تخلليه زى ما هو
وجبت حزمه كرفس قطعتها مع الخيار وبعدين نضعه فى برطمان
ونغلى حوالى لتر ونصف ماء و حطيت فى الميه حوالى 3او4 فصوص ثوم بعد ما قشرتهم ودقيت عليهم بظهر السكينه
وحطيت كمان قرنين فلفل حامى و 1/2 كيس ملح اللى هو بنصف جنيه و بعد ما تغلى الميه بالثوم والملح والفلفل
سيبت الميه تبرد و حطيت معاها حوالى 1/3 كوب خل
وبعدين حطيتهم على الخيار فى البرطمان ……….خلى بالك لازم الميه تغطى الخيار
انا حطيت معلقتين زيت على الوش علشان مايعملش الريم الابيض على الوش
لكن مالهومش لازمه لان الميه لما بتغليها ما بتعملش الريم ………انا عن نفسى رجعت شلتهم لانهم زيتو الخيار اللى على الوش
وبعدين تقفلى البرطمان وتسبيه فى المطبخ يومين او ثلاثه لحد ما يستوى الخيار
وبعدين تشيليه فى الثلاجه علشان ما يتهريش ..
