طريقه تحمير الحمام
وقت التحضير:30 دقيقه وقت الطهي:90 دقيقه المقادير:رز وبصل مفروم وبهارات وملح وفلفل واهم شئ
النعناااااااااااااااااااع الناشف
مهم جدا تفركيه بايدك فوق الرز واوعى ما تحطيش نعناع لازم تحترمى التكنيك
وسمن على زيت التحضير:سيبيه شويه وتكونى غسلتى ووضبتى الحمام
طبعا هتسيبى المايه تغلى على النار وفيها بصله وطماطمايه وفلفل وحبهان ونبتدى نحشى الحمام
طريقه الحشو
هتسلكى الجلد عن لحم البطن باصبعك لغايه الرقبه ويبقى زى الجيب
وتحشي الحمام بالرز ف الجيب ده
وبعدين من داخل الحمامايه
وتجيبى قناصه الحمام تقطعيها 2 تاخدى واحده وتسدى بيها الفتحه اياها من تحت
هبل
وتدخلى رجلها ف الفتحه والرجل التانيه تشبكيها تحت الاولى
وده شكلها قبل ما تستوىالطبخ: ملحوظه الرز الباقى بنقطع عليه باقى الكبده والقلب والقوانص
وسيبيه دلوقتى على جنب
اول ما المايه تغلى نسقط فيها الحمام
الاول تعلى النار لغايه ما تغلى مع الحمام
وبعدين توطى وتغطى
وتحسبى ساعه بالتمام والكمال لو الحمام وسط
اما لو كبير يبقى ساعه و10 د بالضبط باذن الله
لما يطلع تقصى جناحه بالمقص
وحته من الرقبه
وتدهنيه لبن علشان يبقى محمر كده
وترشى ملح وفلفل
ممممممممممممم
بخصوص الرز بعد ما تضعى الحمام على النار بنصف ساعه
هتشوحى الرز ف الحله شويه كده وبعدين تضيفى شوربه الحمام ويكمل سوا
وف الاخر تحطيه ف برام وتحمرى وشه ف الفرن مهم جدا يا فتوكه ملاحظات:
ملحوظه انا مش باخيط الحمام ولا باقطع الجناح ولا حاجه اوكى وبيطلع زى الفل
وعلى فكره الحمام ده بيطلبوه منى مخصوص اخوات جوزى وقرايبى يعنى خبره ما تقلقوشمستغربه
ملحوظه اللبن مهم جدا ف التحمير
ملحوظه النعناع الناشف مهم جدا جدا ومش هاسامح اللى مش هتحطه
ملحوظه التحمير بيبقى ف زيت وممكن تنكهيه ب م ص سمن
ملحوظه النعناع الناشف كترى منه ما تخافيش
يعنى كوبايه الرز مثلا ليها م ك نعناع
ملحوظه هافكركو تانى لو هتعملى 5 حمامات يبقى 5 اكواب رز
ملحوظه ما تمليش الحمام رز وهو بيتحشى لو كان جلده رقيق
ملحوظه الشوربه ما يتحطش فيها ملح الا بعد ما تسقى بيها الرز
ملحوظه مكونات الرز كلها مخلوطه على البارد انتى بس قبل ما تحطى الشوربه بتشوحيه دقيقتين على النار وهوه معاه كل المكونات وطبعا بيبقى فيه سمنته وزيته
ملحوظه الاكله دى جامده جدا جدا وسهله جدا جدا
الملحوظات كتير بس علشان خاطر عرايسنا الحلوين ما يتلغبطوش
ولو اتبعتى التكنيك بتاعى باذن الله هتشتهرى وسط العيله
- طريقة تحمير الحمام
- تحمير الحمام باللبن
- طريقة تحمير الحمام باللبن
- طريقة تحمير الحمام في الزيت
