السلام عليكم.. انا بنت عندي 18سنه ، مشكلتي انا شايفاها كبيره ؛ بس يمكن تكون مش كبيره اوي؛ يعني انا الفتره دي حاسه بملل فظيع، عندي حاله ملل وزهق من كل حاجه ، بقت اي حاجه بتحصل ممكن تخليني اعيط؛ حتى لو مافيش سبب؛ يعني مثلا لو بابا طلب مني شاي ممكن اعيط ومش بيبقى لي مزاج لاي حاجه خالص، وممكن اتعب من اقل حاجه ، وممكن اتعب من غير ما اعمل حاجه ؛ برغم اني الحمد لله مافيش عندي مشاكل، حياتي مستقره والحمد لله؛ بس بقيت بازهق من اقل حاجه ، وممكن اعمل مشكله مع حبيبي (اللي هيبقى خطيبي قريب)؛ يعني المفروض احافظ عليه؛ بس انا بقيت باحس اني خانقاه معايا..
بقيت حاسه اني حمل تقيل على اي حد معايا، انا قريت عن مرض الاكتئاب، خفت يكون فيه حاجه عندي، ومش عارفاها، لقيت نفس الاعراض؛ بس انا مش حاسه ان عندي اكتئاب.
انا مش عارفه اعمل ايه؟ انا بافضل اتخانق مع حبيبي ده على اي حاجه ؛ حتى لو صغيره ، واي حاجه بيعملها ممكن احورها واعمل عليها مشكله ، مش بيقى قصدي طبعا؛ بس وصلت لدرجه انه بقى يقول لي: انت لازم تروحي تتعالجي.
انا مابقيتش عايزه اشوف حد ولا اكلم حد، دايما باحس اني عايزه ابقى لوحدي.. انا بقيت حاسه اني تقيله وحمل على حبيبي.. انا بقيت سايبه كل حاجه في حياتي عليه، انا مش عارفه اعمل ايه؛ حتى مش عارفه اخرج ولا اغير جو؛ لان مامتي مش موجوده في البيت الفتره دي خالص، وانا اللي مسئوله عن البيت وكل حاجه فيه.. بجد تفتكروا ان حالتي دي محتاجه دكتور فعلا زي ما حبيبي قال لي.
- ازعلنه انا وحشه
- صور انا زعلانه من حبيبي
