ميز الصواني بسرعتها ولذتها ونكهاتها المختلفه
وتنفع غداء وعشاء
ولو الغداء … بتقولون لو ماكان كبسه ماينفع …. ادري سبقتكم
اقوى شي تنفع عشاء … او صنف ثاني وقت العزائم
مو اذا جاء راعي البيت وقال وين العشاء
قلتن وش تبي … هو وش مدريه يبي شي يسد جووعه
والا مثلا تقدمين له كتاب منال العالم او اطباق النخبه وتقولين اختاار
والا ماشاء الله عليكن عاملات منيوو وتقدمين له الورقه وتقول امر >>> لا يكثر هرجك اخلصي
اوكي
ترى كتبت موضوع طويل عريض بس مدري وش ضغطت وطار
ان شاء الله يكون متجدد لعيونكن قريب منكن … ماعليكن الا تفتحن ذا الموضوع وتدعن لي
بالصحه والوظيفه >>> بس اتوظف هذاك حد علمكن فيني
امززح وربي تعودت على خششكن ربي لا يحرمني منهااا صديقات البطاله والعطاله خخخخخخ
حياكم الله
صينيه الدجاج بالليمون
صينيه الدجاج بالليمون خطيره وتتميز بطعمها الحامض مع البطاطس, المقادير:دجاج مقطع ومملح وعليه بهار اسود وفلفل بابريكا بودر ورشه اعشاب
ايطاليه
قطعي كميه بصل شرايح وليمونتين
رصي الدجاج في بايركس وعقب غطيه بشرايح البصل والليمون
حطي ملح وفلفل احمر واسود
ورشه اعشاب
وغطي الصينيه ودخليها الفرن
هنا الصينيه عقب مرور 45 دقيقه
الحين بملقط ارفعي الدجاج على شرايح البصل
عشان تحمير الوجه
دخليها تتحمر
وقدميهاا
رهيبه وخفيفه ولذيذه
بالعافيه على قلوبكم
طبعا الصواني ملطوشاات
صينيه الشاورما والدجاج بالمخلل رهيبه
ع المقادير:
قطعي بصل وثوم ناعم واحمسيه
لين صار اشقر ضيفي قطع صدور الدجاج مقطع بطريقه رقيقه
مع قطع الفلفل الرومي
خليه لين ينشف الماء وبهري الدجاج:فلفل احمر مجروش بزار الدجاج ملعقتين خل وهني سر النكهه الحلوه
نص مكعب ماجي فلفل اسود
وخلطي وخليه يتسبك شوي
وعقب ماتسبك الدجاج طفي النار
وقشري بطاطس وقطعيها اصابع واقليها في زيت غزير <<<< تقدرين تخليها سلق
ورصيها في بايركس اول طبقه
فوقه طبقه الدجاج والفلفل
فوقه مخلل خيار
نجي للطبقه اللي بنغطي فيها الدجاج:علبه قشطه صغيره 4 ملاعق جبنه بوك بالثوم والاعشاب وجبن سايل 3 ملاعق وموزريلا مبشور
صبيه على الدجاج ودخليه الفرن
دخليهاا الفرن
وتنفع
صينيه دجاج بخلطه رائعه ورهيبه
ع المقادير:::
في مقلاه احمسي كميه كبيره من شرايح البصل والثوم
لين اشقر ضيفي قطع الدجاج انا شلت الجلد وقليه شوي
بهري الدجاج بمكعب ماجي وبزار دجاج وفلفل اسود وفلفل احمر وملعقتين ماي عشان يتسبك
وغطي الدجاج على نار هاديه لين ينضج
قبل ماتطفي النار بعشر دقايق ضيفي السجق ونص كوب خضار مشكله
وردي غطي الدجاج ينضج السجق
هنا نضج الدجاج والسجق طفي النار
حطي الدجاج في بايركس
مقادير الخلطه الرهيبه:
3ملاعق مايونيز بالثوم
3ملاعق جبن سايل
2ملاعق زبادي
ملعقه طحينيه.ملح .كركم.بزار دجاج.فلفل اسود
تقدرين تضربيهم في الخلاط او باليد مثلي مااحب البقدونس يفرم كثير
نص كوب بقدونس مقطع
خلطي الخليط
وعلى الوجه اغطي الدجاج
حمريها في الفرن بس من قوق
يقدم جانبها الخبز >>>> مو بشوكه على بالي انكم ماتدروون
