ماهي الحلول لتخلص من تعفن الواح الجبس للاسقف

ماهي الحلول لتخلص من تعفن الواح الجبس للاسقف

مشاكل الحوائط فى منازلنا ..واختلاف الحلول الهندسيه ..
فكرت فى طرح الموضوع لانى حاليا اعانى معاناه شديده بسبب احد الحوائط فى منزلى …

بعدما قررت اعاده تجديد للحمام فى منزلى وقمت بدراسه الموضوع ووضع ترتيب للعمل …وشراء كل المسلتزمات …

بدات مع عمال الهدم (اسمهم النحاتين ) او كما اسمتهم انا المخربين :sad:
يقومون بتكسير كل الحوائط والارضيات بعدما يقوم السباك بفك كل الادوات الصحيه المبجله من الحمام ……وكذالك تفريغ السخان وفكه ….

فوجئت بمشكله استشرت للان 3 مهندسين اناشائيين لما جابوا لى الجنان

حائط الحمام من ناحيه البانيو مشترك مع حائط غرفه الابناء …..هنا المشكله هذا الحائط بعد تكسير السيراميك القديم مبلول بلل غير عادى حيث ان هناك تسريب من جارى اللى فوقى ..دى اول مشكله والمشكله الثانيه كورنر السقف من اعلى هناك امطار صيفيه خفيفه الى معتدله …وصل الحال الى المسلح …

طيب نعمل ايه كنت فاهمه ان الموضوع 5 ايام حمام و10 تجديد الغرفه باكملها ….

خدوا بقى عندكوا التالى :

مهندس بيقولى انسى ان الحائط تنشف من ناحيه غرفه النوم بعد ازاله البلاكار …!!!الشغل الصح تكسر البويات الزيت القديمه ونجيبها على الطوب وتترك الحائط لمده لا تقل عن 6 اشهر ..وكل اسبوع يجى عامل بالباشبورى يحرق الحائط لكى تجف …!!!

تخيلوا استغنى عن غرفه 6 شهور !!!!يعنى ااقفل الحمام الحائط من ناحيه ماقفيش مشكله جارى يعالج مشكله السباكه عنده والسباك يقوم بتغير كل الوصلان الجديده وبعدها العزل ويجى دور عامل السيراميك ….

طيب الل ايه يعنى؟؟؟

حائط مبلول يا ناس هاهدم حائط كامل بيقولى التكلفه مش هاتقل عن 2500 للحائط فقط …

دا كان راى اول مهندس ….

نيجى بقى على باشمهندس النهارده ….

مين قال لحضرتك ان الحائط لازم يتهد ويتبنى من جديد ؟؟؟
قلت له مهندس قد الدنيا وقالى ان ده الشغل الصح ….وان اى راى تانى هايبقى شغل كلفته ومش مضبوط …..

قالى مافيش حاجه فى الهندسه اصلا اسمها نهد حيطه طوب احمر عشان الحائط مبلول ….!!!
اصلا الطوب الاحمر بنغرقه فى الميه قبل عمليه بنائه ……..!!

فى علاج مخصص لحواط يا مدام ….مجموعه اسمنتيه خاصه وبهدها محاره ودهانات ..

ده كلام المهندس التانى ……

طيب اعمل ايه ….اهد الحيط ودى هاتبقى كارثه لانى بقالى 3 ايام عايشه فى جحيم عمالى وهدد وحاجه مؤلمه جدا ….

نفسى يطلع كلام التانى صح ….!!

السباك بيقولى محدش بيهدم حيط عشان مبلول يا مدام طول عمرنا بتنشتغل على حوائط فيها مشاكل عمرنا ما شفنا هد حيطه عشان شربت ميه…

تصدقوا انى خايفه اخد القرار وبعد كل العذاب والتكاليف دى تحصل مشكله تانيه وارجع افك البلاكارات والا الحمام يصل فيه مشكله …..

اجيب يعنى شيخ المهندسن عشان يفتينى فى مشكله بسيطه زى دى؟؟؟

طيب ليه الاختلاف كلى وجذرى كده؟؟

مش ده مهندس وده مهندس والاتنين على فكره محترمين جدا واعرفهم معرفه شخصيه زى اخواتى يعنى….يعنى محدش بيقولى اصل ليه مصلحه ….
هل ممكن اجد فى الواحه من يساعدنى بالراى الهندسى ؟

او حصل له نفس المشكله وعالجها ازى …
قولوا يا اهل الهندسه اهد الحيطه والا لا …

انا ماشيه فى البيت عامله زى الراجل بتاع افتح الشباب والا اقفل الشباك …

باقى من الزمن 24 ساعه ولازم اتخذ القرار …وفى حاله هدم حائط سوف اترك المنزل فورا ….زى اللى بيستعين بالنار من الرمضاء :cry2:
حلوها معايا يمكن نستفيد ونفيد غيرنا

• تعفن الجبس