حوت في الفرن
هادي طريقه الايطاليين للحوت في الفرن كيجي بنين بلا شرموله بلا والو ويصلاح حتى لي متبعين ريجيم ومافيها باس مره مره نوعو عن الطريقه العاديه لي كنعرفوها جميع مشرمل ومع الخضر.
حاجتنا للحوت منقي ومغسول مزيان.
نمسحوه بالملح من الداخل والخارج نفلحوه من الفوق بسكين ونبتو فيه قطع الحامض على هاد الشكل
الفرن الطريقه الايطاليه شهوه
Uploaded with ImageShack.us
الفرن الطريقه الايطاليه شهوه
في طاوه الفرن نفرش ورق الالمنيون ونحط الحوت ونضيف من الفوق خويط من الزيت البلديه .
نغطي الحوتات بورق الالمنيوم ونخلو للفرن حتى يطيب راه مكياخدش وقت كبير.
ونشعل عليه من الفوق يتحمر شويه وبالصحه والراحه
الفرن الطريقه الايطاليه شهوه
Uploaded with ImageShack.us
رافقت مع الحوت زعلوك هاهي طريقتي.
خديت دنجال شويتو فوق النار ودرتو في بلاستيكه باش يسهال عليا نزول لو القشره .
وشويت فلفله حمرا و لويتها حتى هي فبلاستيكه . من بعد زولت لهم القشره بلا منغسلهم باش يبقاو قابطين مذاق الشوي.
قطعتهم وعملتهم في مقله مع زيت بلديه تومه مهروسه ربيع ملح ابزار كامون تحميره وخلطت جميع العناصر حتى طاب وقدمتو بالصحه والراحه
