انا انشاء الله هتجوز فشهر 4 و مش هجيب حد يعملي و لا سويت و لا حمام مغربي و لا حمام عطري و لا الاشياء دي انا هتصرف مع نفسي انشاء الله عشان مقدرش اتكشف قدام اي حد و كمان حرام ربنا يقدرنى
في كتير منكم ميعرفوش الحمام العطري بيتعمل كيف و بيكتفوا بالحمام المغربي و خلاص للعروسة لكن انا شايفة ان خطوة الحمام العطري دي مهمة جدا جدا جدا و كمان توقيت عملة مهم بردة هو عادتا بيصبح بعد السويت و الحمام المغربي بس فناس بتعمل الحمام المغربي و السويت مثلا قبل الفرح بيومين عشان هتعمل ليلة حنة و كدة فالحالة دي مفضلش تعمل حمام عطري عشان هيبقي فاضل يومين و تاثيرة هيروح او هيقل يبقي اروع لو تعملوة يوم الفرح الصبح و خصوصا انه سهل و مش محتاج و قت و ناس هتعمل حمام مغربي و سويت قبل الفرح بيوم فالحالة دي يمكن تعمل حمام عطري بعدية مباشرتا و لو انني اروع فكل الاحوال ان العروسة تعملوة الصبح قبل ما تروح للكوافير كدة كدة هتاخد دوش كويس اول ما تصحى
نيجي بقي للادواتالاشياء الي هتحتاجيها
شور جل ريحتة روعة زي مثلا دوف او لوكس او شاورات ايفون و اورفيلام اي حاجة بترتحيلها
مكعب مسك من العطار بحوالي 5 جنيه
ماء و رد اي نوع ايفا او اي نوع تاني من الصيدلية او من عند العطار كلة يمشى
زيوت عطرية 10 مل الي تفضلية يمكن زيت ياسمين او لافندر او مسك او اي زيت لبرفان بتحبية كاسيليا اورجانزا نينا ريتشي روحي عند العطار و شمي براحتك و هاتي 10 مل من النوع الي تحبية هيصبح من 5 ل 10 جنية مش هيزيد عن كدة عايزة تجيبي هكذا نوع و تعملي مكس زبوت عطرية براحتك
علبة بيبي اويل جونسون الصغيرة الي بالزهور جميلة و الي بالكموميل جميلة برضوة اي حاجة حسب رغبتك
بودرة معطرة للجسم فنوعين انا اروع الاول الي هو انشانتر جميلة جداااااا احلي لونين الموف و الاحمر انا حبيت الاحمر اكتر و تاني نوع بودرة جونسون بالكموميل روعة بردة بس انشانتر احلى
كدة انا خلصت الادوات نيجي بقي علي الكيفية
نغسل جسمنا بالشاور جل الي نحبة و بعدين
تملي البانيو مية دافية و تحطي بها حوالي 5 مل من الزيت العطري الي جبتية و نبشر فالمية حوالي نصف حجر المسك هيدوب فالمية و هيدي ريحة تحفة اقعدي فية حوالي نصف ساعة لو عايزة اكتر اقعدي لو عندك و قت لكن اهم حاجة ميقلش عن نصف ساعة و بعد كدة اطلعي من المية و اقفي دقيقتين المية تتصفي من جسمك و متنشفيش خلي جسمك رطب اخلطي نصف ازازة البيبي اويل مع ملعقتينكبيرة مية و رد و باقي زجاجة الزيت العطري ال 5 مل المتبقين و رجي كويس و علي جسمك الرطب لفي جسمك كلة بالخليط و اهتمي بالثنايا و بعد ما تخلصي استني 5 دقايق جسمك يتشرب الزيوت و احدث خطوة البودرة المعطرة رشي جسمك كلة منها و اهتمي بالثنايا و منطقة السرة و البسي و اطلعي هيثبت فيكي ريحة العطور من 5 ايام لاسبوع بجد و همي و تحفة و مجرب
- ادوات الحمام العطري
- الحمام العطرى للعروس
