ما هى اشعة الصبغه
تعتبر اشعة الصبغة من الفحوصات المهمة اللي بتبين اسباب تاخر الحمل
عاوزين نتابع مع بعض خطوة بخطوة من اول لما الدكتور بيطلب منك الاشعة لحد لما تروحي مركز الاشعة و تعمليها من غير لا خوف و لا قلق .
اول حاجة عاوزين نعرف اية اهمية اشعة الصبغة اللي هتعمليها دي بالنسبة للدكتور يعني بمعني تاني لية الدكتور طلبها منك ياتري هتبين اية
اولا بتبين مدي سلامة الرحم و خلوة من الالتصاقات لان الالتصاقات دي بتاثر بالسلب علي عمل قنوات فالوب .
ثانيا بتوضح هل الرحم فية اورام او الياف .
ثالثا بتعرفنا هل الرحم فية عيوب و لا سليم و كمان بتوضح شكلة لو كان غير طبيعي يعني لو رحم ذو القرنين او الرحم المنقلب او الرحم المنقسم بحاجز .
رابعا بتوضح هل فية انسداد فقناتي فالوب و لا مفيش .
خامسا بتبين فين مكان الانسداد بالظبط .
سادسا و اخيرا الاشعة دي مش بس لها دور تشخيصي لا دي كمان لها دور علاجي مهم اوي سمعاكي ياللي بتسالي كيف ؟؟؟
هقولك لان مرور الصبغة اثناء الانابيب بيفتح الانابيب لو كان بها انسداد .
لحد كدا فهمنا احنا هنعمل الاشعة دي علشان نبين اية و هنستفاد منها فايه طاب خلاص اقتنعنا اننا هنعملها علشان مهمة و مش هنخاف و لا هنقلق طاب تيجي نحدد المعاد اللي هنعمل فية الاشعة .
- الاشعة بالصبغة للرحم
