هذة هى مكونات الوصفة :
- معيلقة كبار من مسحوق الحمص تشدى الحمص و تدقية حتي يولى بودرة
- معيلقة صغار من ما يسمي ب : الودع يوجد عند العطار و هو بودرة بيضاء قولية يعطيك 5 دراهم
- حبة او حبتين ديال الفرولة – الفريز – و طربيهم مزيان بالخلاط حتي يطلعو
- معيلقة ديال بياض البيض مخلط يعنى خاصك تطربية حتي هو مزيان حتي يطلع
بخصوص اللى ما عرفاتش شنو هو الودع ببساطة هو مجموعة من القواقع اللى كاتكون فجنبات البحر او فالرملة كيتباعو عند العطار و يمكن تقولى لية يطحنهم او تشريها مطحونة و اجدة عندها مفعول سحرى للبشرة و يستخدم حتي اللى عندها حب الشباب
صور من الودع قبل طحنه
– بالنسبة اللى عندها البشرة دهنية زيدى علي المقادير اللى لفوق : معيلقة كبار ديال عصير الليمون الحامض
– و اللى عندها البشرة ديالها عادية تزيد معيلقة من عصير البرتقال
– اما اللى عندها البشرة ديالها دهنية و بها شى تقف و حفر تزيد بجانب معلقة عصير الحامض و رقتين ديال الخس
– اما اللى عندها البشرة ديالها علي سبة ههة يعنى حساسة كانصحها باش تزيد مع المكونات الخزامة و لا الخرطال و يتخلط مع معيلقة ديال نخالة القمح
– اما اللى عندها البشرة ديالها علي سبة ههة يعنى حساسة كانصحها باش تزيد مع المكونات الخزامة و لا الخرطال و يتخلط مع معيلقة ديال نخالة القمح
كيفاش نحظروا هاد الوصفة ؟
فاش غادى تزيدى الحامض علي الودع غادى تطلع ليك و احد الكشكوشة خاصك تنتظريواحد ربع ساعة بينما
تزولات ديك الكشكوشة عاد زيديها علي المكونات الاخرى
كانخلطو المكونات كاملة بعضها مع بعض كانوضعو القناع علي الوجة مدة ساعة حتي لساعة و نص و حاولى تبقاى مسترخية فشى بلاصة ما تقيسهاش الشمس , الدكتور جمال الصقلى كينبة و يشدد بعدم الحركة و الكلام بصفة نهائية حيتاش الماسك عندو علاقة بسطح الجلد لانة يقضى علي كافة التجاعيد بشكل رهيب رجاء المرجو اتباع النصائح كما قالها الدكتور حيتاش اي ابتسامة او كلام … يمكن ينعكس علي نتائج الوصفة , حطى الماسك و طيحى دودة ههة ما تفيقيش
هذا هو الشكل النهائى للخليط الذي سوف تحصلين علية مع رائحة زكية تفتح الشهية
هاد الوصفة راة نصح بيها و بشدة الدكتور جمال الصقلى للى كاتعانى من البقع علي البشرة و لا الكلف هادشى بلا ما نساو نقاء و صفاء البشرة زيادة علي مشكل التجاعيد اللى معقد شحال من و حدة ,, غادى تندهشى بالنتيجة و سوف تستغنين عن اي قناع و ما تنسايش هاد الماسك تستخدمية ثلاثة ايام متتابعة يعنى ثلات مرات بالاسبوع و عاودى الماسك فالاسبوع الموالى …
