سلطة الفاصوليا الخضراء بالمايونيز

سلطة الفاصوليا الخضراء بالمايونيز

المقادير:

فاصوليا خضراء متقطعة (نص كيلو)
3 ملاعق كبار ممسوحة سكر(وانت ظبطي الطعم)
ربع ملعقة صغار ملح
رشة فلفل اسود و كمون
3 ملاعق كبار ما يونيز او حسب ما تحبي

التحضير:

نحط الفاصوليا المتقطعة فحلة على نار هادية منغير اي اضافات خالص لحد ما تستوى و ومكن نضيف شوية مية صغار لضمان التسويه
وبعد ما تستوى طفى النار و سيبى الفاصوليا تهدى شوية و ثم ضيفى السكر و هي لسة دافية عشان يدوب و ما يبقاش ظاهر
فيها و يضايقك و نضيف الملح و الفلفل و الكمون
وبعد كدة نسيبها تبرد خالص و نضيف لها المايونيز و لازم تضيفى المايونيز و هي باردة خالص عشان ما يكلكعش معاكى و تقلبيها
كويس بحيث ان جميع المكونات تتخلط مع بعض كويس و تسيبيها فالتلاجة عشان بتبقى روعة اوى و هي باردة و يمكن تضيفي
لها جزر مبشور او بقدونش او شبت زي ما تحبى و بالف هنا و شفا