شوربه الاعراس الجزائريه
المقادير
فخد او صدر دجاجه + قطعه لحم غنم او بقر + بصله كبيره او 2 متوسطين مفرومه 3 سنات ثوم مفرومين
عود كرافس +طماطم مصبره 2 ملاعق اكل
طماطم حب مرحيه 2 حبات صغار تكوني فورتيها او غليتيها وترحيها ملح وفلفل اكحل وزيت راس حار اخضر و كسبر مرحي اذا كنت تحبي طعموا و فريك جاهز
طبعا و ملعقه صغيره غبره فريك
التحضير
اغسلي اللحم و الدحاج جيدا و احطيه في قدر و اضيفي له البصل و الثوم و الزيت و الفلفل اسود و الملح و الطماطم المصبره و ممكن تضيفي كسبر مرحي انا مانحطوش و تخلطي كل شيىء و تخليهم على نار هادئه يتقلاو حتى يذبل البصل و تنسايش تحركي ساعه على ساعه
حتى تتقلى مليح ضيفي طماطم نتاع الحب و زيدي قلي شويه و امبعد امرقي بماء سخون و خليها تستوي حتى يطيب الدجاج و يقرب يطيب اللحم امرقيها بكميه من الماء و خليها تغلي و بعد ما تهز الغليا ارمي كاس صغير او نصف كاس كبير من الفريك و الفلفل الاخضر اذا ماتحبيش الحار خليه مغلوق او استغني عنوا و نقصي للنار و خلي الفريك يطيب على الاقل ساعه او اكثر و ماتنسايش تحركي ساعه على ساعه باش مايعجنش الفريك كي تنشف امرقيها بماء ساخن و بعدها ضيفي غبره الفريك و عود الكرافس و خليها تغلى 20 دقيقه حتى تختار و طفي عليها
ماتخليش المرقه عاقده الفريك بعد ما يبرد يتكاثف و حطيها في غميقه و زينيها بدبشه مقطعه رقيقه
- الحدث المنشى لضريبة لانتاج طماطم المصبرة
