طريقه طبخ النقانق بالصور
السجق الشرقى
نجيب نص كيلو سجق بلدى من عند الجزار ونقطعه مكعبات ونكون مجهزين معاه طماطتين كبار متقطعين مكعبات وكذلك فلفتين رومى على واحد احمر حامى وكله مكعبات
نجيب اربع فصوص ثوم مقطع صغير ونحطه فى شويه زيت ونشوحهم شويه وبعدين نضيف الفلفل الاحمر وبعديه الرومى وشويه ونضيف السجق ونقلب شويه لحد ما لونه يغير وبعديه مكعبات الطماطم والتوابل ( ملح وكمون وفلفل اسمر ) ونقلب على نار هاديه عشان ما ينشفش وما نطرش نضيف ميه ..بس لو حسينا انه عاوز ميه ممكن نضيف شويه صغننه جدا
ممكن للى بيحب البصل اكتر من الثوم ( ده مش تراجع عن مبداى ولكنه ارضاء لجميع الازواق ليس للا … ) يحط بصله مقطعه مع فصين ثوم ..
كذلك ممكن نضيف ملعقه صلصه لو حنضيف مياه
وتعمليه في ساندويتشات بالطحينه
السجق الايطالى
المكونات:
قطع من السجق ساخن او بارد.
(4-5) فلفل اخضر، خالي من البذر ومقطع.
(2) بصل محلي، مقطع.
(2) ملعقه مائده من زيت الزيتون.
ملح وفلفل .
الطريقه :
قومي بتسخين الفرن على درجه حراره 350 درجه مئويه .
احضري صينيه وادهني اسفلها بزيت الزيتون .
اضيفي الفلفل الاخضر والبصل والملح والفلفل.
اضيفي قطع السجق على سطح البصل والفلفل.
ضعي غطاء من الفويل على الصينيه وضعيها فى الفرن واتركيها لمده 45 دقيقه .
ازيلي غطاء الفويل واتركيها في الفرن من 7-8 دقائق .
اقلبي قطع السجق على الناحيه الاخرى واتركيه فى الفرن من 7-8 دقائق
السحق البيتى
نص كيلو لحمه مفرومه _ملح _ فلفل _ قرفه _ جوزه الطيب _ نص كوب ماء
_شطه حسب الرغبه المصارين وطبعا مش حوصيكى على التنظيف .
(( و اهم حاجه القمع المخصوص بتاع حشو السجق ))
الطريقه :
نضع التوابل كلها على اللحمه
اضع الماء على اللحمه و اخلطهم كويس بايدى لحد اللحمه ما تطرى خالص علشان تنزل فى الامعاء بسهوله
اضع القمع فى اول طرف الامعاء و ايدء انزل فى اللحمه المفرومه و انا عماله ابل صباعى اللى بزوء بيه اللحمه بالماء .لحد ما املى الطول اللى امامى و بعدين اروح ماشيه عليه بايدى مبططه مبططه مبططه علشان
فى السوى حيملى و يتنفخ المهم بعد ما ابطط ابدء بقى بالنطر احسب طول صباع السجق و اعقد وكمان الصباع اللى بعده و اعقد و هكذا لحد ماحتلاقى حبل السجق اللى بتشوفيه عند الجزار اتكون قدامك
تحطيهم فى اكياس نايلون و على الثلاجه و الف هنا وشفا
طريقه تسويه السجق
سجق _ 2 طماطمايه كبيره _ 2 فلفله رومى _ فلفله حاميه ( حسب الرغبه )
ملح _فلفل _زيت او سمن
الطريقه :
بطرف السكينه اعمل شق صغير فى كل صابع سجق
اضع الزيت او السمن فى مقلايه على النار ثم اضع الفلفل رومى و الطماطم
تقليبه و بعدين احط وحدات السجق و اقلب اقلب ثم اضع شويه شويه ماء و اغطى المقلايه لحد ما يستوى اعلى النار واقلب السجق لحد ما يتحمر اروح طافيه النار و نعمله سندوتشات بالمسترده او حسب الرغبه
ملحوظه :ممكن نعمل سندوتشات بيض بالسجق بتبقى حلوه جدا و من باب التغيير
