طريقة عمل الملوخية

طريقه عمل الملوخيه

المقادير:ملوخيه
توم
كزبره
دجاج مخلى
سمنه
توم التحضير:تجيبي ملوخيه طبعا ناشفه وتكون ناعمه يعني زي اللي بنستعملها في مصر حوالي ملو كوبايه ميه يعني 100جرام
وتحضري توم وكزبره و4 او 5 اكواب مرقه دجاج او لتر او ازيد شويه
بالاضافه الي دجاج تكوني سلقاه قبل كده و خلتيه من العضم وقطعتيه قطع
وسمنه او زبده كميه وفيره لان السمنه او الزبده معاها بيكون زي الميه في الرمل
يعني متتخضيش ممكن تحطي 5 معالق سمنه من بتوع التوزيع الكبار او اكثرالطبخ: هاتي السمنه وحطي فيها اولا الكزبره والثوم واول ما يصفروا هدي البوتجاز على الاخر وحطي الملوخيه الناشفه وقلبيها على نار هاديه لغايه ما تتحمر او تتخلط كلها بالسمنه 3 او 4 دقائق
وخدي بالك لا تعلي النار علشان متتحرقش منك لانها لو اتحمرت زياده او اتحرقت بتدي طعم مر وبتكون باظت
بعد ما خلصتي تقليب الملوخيه وكلها اتحمرت حطي المرقه مع قطع الفراخ وقلبي كويس لحط ما يختلطوا وسبيها على نار هاديه علشان متلزقشي تقريبا 15 دقيقه
وخدي بالك بتكون تقيله مش زي ملوخيتنا الخضراء وبتتاكل مع رز مفلفل
وبالهنا والشفا