طريقه عمل حلوى اسبانيول
السلام عليكم
هذا القاطو اكثر من رائع خذيت مقاديره من اخت ربي يجازيها بخير وطبقت في مطبخي جربوه ماتندموش
مقادير الكريمه créme moussline
*1لتر حليب /*3فناجل سكر عادي /* 2 فناجن مايزينه /*2 بيضات /*250غ زبده /*5ملاعق كبار لافاني نعم ما تخافيش
ضربي السكر من البيض حتى يتضاعف الحجم ..
ديري السكر +النشا +البيض فوق الحليب سخون و خلطيهم فوق النار اقعدو تحركو حتى تعقد ير طفي النار ارمي فوقها 50غ زبده نحيهم من 250غ لي قلتهم قبيلا من بعد حطيها حتى تدوب الزبده فرغيها في حاجه بلا باش تبرد خليوها تبرد ساعه يلزم تبرد مليح
طي تبرد مليح ديري هادوك200غ تع زبده لي بقات ديريها في البيتخا و ديري ملعقه كبيره لاكلرام باتيسياغ لي خلينها تبرد
و خلطو مليييييييييح حتى الزبده ماتوليش تبان
من بعد زيدو فرغو بقيه لاكرام و5ملاعق كبار لافاني و خلطو مليييييييح مليييييييييييييح حتى تولي تبرق
قادير العجينه : *200غ زبده ذائبه و بارده /*6ملاعق عسل /*2 كيسان moyen سكر عادي /*2ملاعق كبار كاكاو /*2بيضات
/*2ملاعق كبار لافاني /*قرصه ملح /*700غ فرينه /* 1ونصف باكي لالوفوغ lever chimique
+لافاني من بعد فرغي الزبدو و الباتوغ يدور من بعد العسل و الباتوغ يدور تاني كي يتخلطو مليح المواد السائله نزيدو الفرينه و الكاكاو و لالوفوغ باليد ماشي بالباتوغ و الا عندك بيتخا ديري k
من بعد قسميها الى 4 اجزاء 3 قدبعضاهم و 1 صغير lمن بعد حليها فوق السنيوا تكون بلا و اذا معندكش اقلبي السنيوا حلي بالوحده يلزم في 3 يكونو كيفكيف ي طيب تكون يابسه لعجينه ما تنخلعوش نوغمال يلزم تكون يابسه
طريقه التشكيل
حطي في سنيوا العجينه الاولى و اطليها بالكرام موسلين من بعد زيدي حطي فوقها الطبقه التانيه تع لابات و زيدي اطليها من بعد زيدي حطي الطبقه الثالثه و الاخيره و اطليها من بعد هديك لابات الصغيرا تكونو طيبتوها كيما لوخرين بصح ماهمش شكلها خطرش ترحيوها في الروبو فهمتوكي ترحيوها ذرذروها فوق وجه الخبزه
من بعد غطيوها مليح و خليوها 24 ساعه في الثلاجه يلزم 24ساعه باش تولي طريو و بنيينه ه ه ه ه ه ه ه ه اممممممممممم
بعد 24 ساعه قطعوها كيما تحبو
