طريقه عمل سمك فيليه مقلي
- الكميه تكفي: 4 اشخاص
- وقت التحضير: 45 دقيقه
- وقت الطهي: 20 دقيقه
- المقادير: كيلو سمك فيله 5 فصوص ثوم كبار نص فلفلايه خضراء ليمونه كمون ملح كسبره ناشفه بهارات سمك لو موجوده شطه للي بيحب بيضه دقيق مبهر بالملح وبهارات السمك
- التحضير: هنجهز التتبيله بتاعتنا نفرم الثوم والفلفل الاخضر ونضيف عليهم كل التوابل وعصير اللمونه
هنجيب السمك ونشطفه كويس اوي - الطبخ: ونقطع السمك قطع مناسبه
وبعدين نتبل بيهم السمك كويس اوي ونسيبه في التلاجه يتبل مش اقل من ساعتين
المهم اتبل وبقي زي الفل نبتدي بقي نجهزه
هنجيب بيضه ونخلطها مع شويه زيت وملح وفلفل
ونجهز الدقيق بتاعنا
ونجيب السمك ونحطه في الدقيق
وبعدين نحطه في البيض
ونرجع تاني نحطه في الدقيق وعلي فكره يا قمرات ممكن نستخدم بقسماط مفيش اي مشكله
ونكرر العمليه لحد ما نخلص كميه السمك
وممكن نقليه علي طول وممكن نسيبه في التلاجه نص ساعه
المهم هنجهز الطاسه بتاعتنا ونحط فيها زيت غزير ويكون سخن اوي
ونحط فيها قطع السمك لحد ما تاخد لون ذهبي جميل
ونطلع السمك علي ورق المطبخ
وبس كده
شوفته الطريقه سهله ازاي
والطعم حكايه جربوه علي ضمانتي
ممكن نعمل جنبه رز بالبصل وسلطه طحينه وسلطه خضراء او سلطه طماطم
والف هنا وشفا
اعلان 3
