الادوات اللي بنستخدمها في تركيب الرموش الصناعيه :
1-ملقاط…و الاحسن مش الملقات العادي بتاعنا لا…يا اما نوع مخصص للرموش
بيبقى اخد زاويه عشان سهوله التركيب…او ملقاط بسن رفيع
2-تاني حاجه و يمكن اهم حاجه هي الصمغ….و دي مشكله هنا لان صعب اننا نلاقيه و الكميه اللي بتيجي مع الرموش مش بتكفي
في صمغ ابيض اللي احنا عرفينه و ده بيبقى شفاف لما ينشف
الرموش من البدايه ، تركيب الرموش حتي النهايه ،
و في نوع لونه اسود…
الرموش من البدايه ، تركيب الرموش حتي النهايه ،
3-ثالث حاجه طبعا هي الرموش…في نوعين..في رموش كامله و في رموش منفصله ….هقولكوا على كل نوع و مميزاته و عيوبه و طريقه تركيبه
نبدا بالنوع المعرو ف و هو الرموش الكامله …ليها اشكال و الوان و تصميمات من كل شكل….بيبقى عباره عن شعيرات صناعيه مترتبه باطوال مختلفه في خط واحد
بنبدا نمسك العبوه و نزيل الرمش بالراحه من الجنب…
الرموش من البدايه ، تركيب الرموش حتي النهايه ، g
و بعدين هنقيس الرموش على عنينا…طبيعي في عيون اصغر من عيون و بنحط الرمش على خط الرموش بتاعنا و نشوف لو فيه زياده
لو لقينا فيه زياده ..بمقص صغير نقص كام شعرايه …..و خللي بالنا نقص من الطرف الخارجي…يعني اللي فيه الرموش اطول
الرموش من البدايه ، تركيب الرموش حتي النهايه ،
خلاص هنبدا نحط الصمغ…في اكتر من طريقه ….ممكن نحط الصمغ على ظهر ايدينا و نمرر الرموش عليه…و دي احتمال الصمغ يجي على الشعيرات نفسها لو ايديكي اتهزت…الطريقه التانيه ,نحط الصمغ على طرف خله السنان او الطرف الاخر لاي فرش عندك…و نمشي بيها على خط الرموش
الرموش من البدايه ، تركيب الرموش حتي النهايه ،
من اوله لاخره..و نزود الصمغ عند الاطراف
حاجه مهمه جدا جدا جدا…لازم نستنى شويه الصمغ يتحول من الحاله السايله للحاله اللزجه …لو حطيطيها بدري الصمغ هيلحوس كل جفنك و ممكن تلاقي نفسك لزقتي صوابعك في رموشك الطبيعيه الرموش من البدايه ، تركيب الرموش حتي النهايه ، فاصبري شويه او هوي على الصمغ
هنمسك الرموش بايد و الملقاط بالايد التانيه ….نحط الرموش على خط الرموش الطبيعي…نمسك بالملقاط الطرف الداخلي للرموش, و نلزقه على الجفن…و نسبته شويه
نمسك الرموش بالملقاط في منتصف الرموش…و برضو نلزقه و نسبته
و نفس الحكايه من الطرف الخارجي…لازم نسبته و نضغط عليه شويه
ناكد بالملقاط على الرموش تاني و نضغطه على قد ما نقدر قريب من خط الرموش الطبيعي
و نمسك الرموش الصناعيه و الطبيعيه و نضغطهم علي بعض
لازم بعد الرموش نحط ماسكرا عشان يتمزج الرموش الصناعيه مع الطبيعيه …
الافضل انك تحطي ايلاينر عشان تموهي خط الرموش الصناعيه
هقولكو مميزات و عيوب الرموش الكامله _عن تجربه
1-سرعه تركيبها بالمقارنه بالرموش المنفصله
2-ارخص من الرموش المنفصله
3-امكانيه اعاده استخدامها عدد مرات كتير
4-سهوله ازالتها..بالراحه شيليها و اغسلي عينيكي او استخدمي اي زيت مفيد للرموش زي الخروع
5-متوافره في اشكال و الوان و اطوال كتيره جدا
عيوبها بقى
1-صعوبه تركيبها ,لازم التدريب كتير…و الافضل حد تاني يركبها
2-لو الصمغ مش كويس او نشف ممكن تقع و بيبقى الشكل ملحوظ و غصب عنك هتشيلي العين التانيه
3-عن تجربه برضو الانواع الرخيصه في مصر رديئه جدا
4- غالبا بتبان مش طبيعيه
