ما هى طريقه عمل الشاورمه الفراخ
الكميه تكفي:4 اشخاصوقت التحضير:30 دقيقه وقت الطهي:30 دقيقه
المقادير:2 كوب دقيق
معلقه كبيره خميره فوريه
معلقه صغيره سكر
معلقه صغيره ملح
معلقه صغيره بيكنج بودر
2 معلقه حليب بودره
معلقتين كبار زيت
كوب الا ربع مايه دافيه وومكن تزودي شويه تبع مع العجين يلم معاكي التحضير:الطريقه نعجن المقادير السابقه كلها مع بعض لحد ما تكون عجينه ناعمه ومتماسكه معايا نسيبها ساعه عشان تخمر معايا زي الصوره نشكل منها كور تبع الحجم اللي تحبيه انا عملت منها 12 كوره ب 12 رغيف ..نبتدي نفرد واحده واحده تابعوا بالصور ..هنا فردتها خالص ..الطبخ: انا سويته علي الصاج علي البوتجاز من فوق نسخن الصاج كويس الاول وبعدين نهدي النار عليه …شوفوا ده بدا ينتفخ ازاي …
وهنا خلصت الخبز كله اهو ..تاني حاجه نبتدي بقه في الشاورما بتاعتنا ..
المقادير
صدور فراخ مخليه من العظم ونقطعها شرايح صغيرهمقادير التتبيله ..
عصير 3 لمونات ..
مايه بصله كبيره او 2 وسط..
فصوص ثوم مبشور صغير اوووي ، زنجبيل طازه بيخلي ريحتها تحففففه ، معلقه صغيره شطه تركي وممكن تستغني عنها لو تحبي ..ملح فلفل اسود توابل مشكله كمون …
معلقتين كبار زبادي بس معلش نسيت اصورهم ..
نتبل الفراخ بتاعتنا كويس اوي ونسيبها اطول فتره ممكنه في التتبيله دي ومش قادره اقولكم علي ريحتها تحفففففففه والله العظيم ..مراحل التسويه ..
نحتاج شرايح فلفل اخضر ، بصل جوانح ، وطماطم شرايح ..نبتدي نسوي الفراخ بتاعتي
نحط شويه زيت صغيره ..ننزل بالبصل الشرايح نقلب البصل لحد ما يدبل بس ….لما البصل يدبل معايا ننزل بشرايح الفراخ ..وعلي نار عاليه ياحلوين نستمر في التقليب شويه ..
وكله علي نار عاليه …
هنا ننزل بالفلفل الاخضر بتاعي ..ونستمر في التقليب ..شويه ونزل الطماطم الشرايح ..
ونستمر في التقليب وبرضه علي نار عاليه ..وفي اثناء ده كله نقلي شويه بطاطس ..وهنا الشاورما بقت جاهزه للسندوتشات ..نجهز بقه السندويتشات : نحتاج جبنه سايله او مايونيز زي ما تحبي خيار مخلل البطاطس المقليه وطبعا اي اضافه تحبيها …
