اغنية يا شمس غيبي للمطربة المعتزلة اميرة

ياشمس غيبى فى بحور الغروب
روحى لحبيبى فى زحام الدروب
قوليله ليلاتى بستنى الرجوع
وتنهد اهاتى تطفى الشموع
وتصبر ياعينى . . بدموعى وحنينى
لو قلبه ناسينى . .انا عنه ما اتوب

ياشمس غيبى فى بحور الغروب
روحى لحبيبى فى زحام الدروب

وسهرت بالامانى . .استنى اللى رمانى
صحيتلى الشمس تانى مالبحر الغريق
وقالتلى روحى نامى
ماخلاص ضاعت اسامى من شجر الطريق

ردت منى عينى بدموعى وحنينى
لو قلبه ناسينى . . انا عنه مااتوب

ياشمس غيبى فى بحور الغروب
روحى لحبيبى فى زحام الدروب

ومشيت ويا الشوارع . . فى الليل ابو المواجع
اسال عنه اللى راجع من نفس المكان
والناس قابلونى ياما سالونى بالملامه
فين راح اللى كان

ردت منى عينى بدموعى وحنينى
لو قلبه ناسينى . . انا عنه ما اتوب

ياشمس غيبى فى بحور الغروب
روحى لحبيبى فى زحام الدروب
قوليله ليلاتى بستنى الرجوع
واتنهد اهاتى تطفى الشموع
واتصبر ياعينى . . بدوعى وحنينى
لو قلبه ناسينى . . انا عنه مااتوب