افكار لعروسه يوم زفافها
فكره الاقنعه التنكريه
فكره الاقنعه التنكريه …و بقولك كيف اتنسقينها بعرسك..
طبعا من الاسم راح يتطلب عليك تواجد الاقنعه التنكريه ..اليكم الخطوات اللي تستخدمون فيها الاقنعه..
و مب اي قناع..في اقنعه حلوه يبيعونا في محلات الاثاث تجي لونها فضيه و راقيه..مثل هوم سنتر..او the One
المهم..شو الترتيبات اللازمه لعمل الفكره ..؟
اولا : باقتك لازم تكون مرفقه بقناع صغير اللي يكون نص مش كامل…و عليه ريشه بيضه و طويله ..
ثانيا : لازم يكون لج انتي بعد قناع .. على حسب فستانك اذا ابيض يلزم فضي و اذا ذهبي .. يلزمك ذهبي و يكون القناع نص
ثالثا : و انتي طالعه للناس اطلعي من الكوشه نفسها..لانها حركه حلوه..و تكونين لابسه القناع…لين ما توصلين لاخر الممر اعلى الكوشه ..و عقبها شيلي القناع..و عاد الناس بكون فيهم فضول..يشوفون مكياجك.. و الموسيقى اللي تدخلين عليها لازم تكون مناسبه بعد..و فيها شويه اكشن..
رابعا: عقب ماتشيلين القناع انزلي من على الدرج…و امشي بين الناس..مب بالنص…قومي و امشي بينهم..بس يعتمد على الفستان اذا خفيف عليك سوي هالحركه ..و انتي ماره بين الناس..مدي ايدج و سلمي عليهم.. عاد بيستانسون..انهم سلمو على العروس.. ..
خامسا : و بعد هاللفه كلها ارجعي للكوشه .
سادسا:العروس لازم يكون لهم قناع على الوان فساتينهم…و يرقصون على اغنيه..مناسبه بعد ما تقعد العروس و اتخلص زفتها
سابعا : نرجع للتوزيعا.حبذ لو كان على كل طاوله توزيعات فيها اقنعه..و مشغولات يدويه ثانيه حلوه..
ثامنا : حبذا لو الكوشه يكون فيها خيال شوي…شرات القلعه او ديكور معين مناسب..
تاسعا : تقدرين اتوزعين ملكان على بوابه الدخول للناس و على المسرح…و لابسين لبس غجري..و هم لابسين اقنعه تنكريه..و تقدرين تتنازلي عن الفكره لو ما تبينها..
عاشرا : الاضواء لازم اتكون خافته..و يكون على العروس و ضوء فلاش مسلط قوي..و يكون الضوء شغال عليها .. لان يعطيها جاذبيه غير..و في حركات حلوه الحين قاموا الناس ايبونها..مثل شلال عند ممر دخول الناس…على الاطراف…..شفت انهم جايبين شلال كاكاو..و حاطين جنبه فراوله و اللي يدخل عادي ياخذ فراوله و يغمسها بالكاكاو و ياكل..كانت حركتها روعه ..
