مقادير عمل الجمبرى بالصوص
1- كيلو جمبري و يفضل حجم كبير او وسط
2- بصله كبيره مقطعه شرائح رفيعه
3- 2 قرن فلفل اخضر او رومي مقطع شرائح
4- 3 فصوص ثوم كبيره مقطعه او مفرومه
5- ملح حسب الكميه اللى تحبيها لو بتحبى ملف كتير او خفيف
6- ملعقه صغيره كمون + 2 حبات ليمون + ملعقه كبيره زيت ذره او زيت زيتون او عادى
7- بقدونس مقطع شرائح باى كميه تحبيها
ثانيا كيفيه تحضير الجمبرى اللذيذ :
اولا ننظف الجمبرى و نقشره بايدنا و هو تقشيره سهل مش متعب
بعد التنظيف و التقشير يغسل الجمبرى جيدا بالماء و يصفى الماء و تتكرر العمليه الى ان ينضف الجمبرى كويس
بعد التنظيف نرش شويه ملح على الجمبرى و نعصر عليه نص ليمونه و نتركه فى طبق او صينيه لمده 10 دقائق
بعدها نجهز اناء و نحط فيها المقادير كلها + نضيف على المقادير كلها الجمبرى + عصير ليمونه و نضع كل الخليط فى الحله و نضيف نص كوب ماء و نضعها على النار لمده ربع ساعه و تغطى الاناء او الحله كويس و بعد ربع ساعه هتتذوقى احلى طعم فى الدنيا و هيطلع صوص يجنن و الجمبرى نفسه هيكون طعمه جنان و اللى تجرب منكم تقولى رايها و بجد هتدمنو الطريقه دى فى عمل الجمبرى
انا بقى لما عملته اكلته مع كشرى مصرى و كان الجمبرى مع الكشرى طعمهم و انسجامهم مع بعض ميتوصفش
